താനെ നായർ വെൽഫെയർ അസ്സോസിയേഷന്റെ ആഭിമുഖ്യത്തിൽ 147 മത് മന്നം ജയന്തി ദിനം വിപുലവും വ്യത്യസ്തവുമായ പരിപാടികളോടെ ആഘോഷിക്കുന്നു.
ജനുവരി 2 ന് വൈകുന്നേരം 6 മണിയ്ക്ക് താനെ വാഗ്ലെഎസ്റ്റേറ്റ് ശ്രീനഗർ അയ്യപ്പ ക്ഷേത്ര പരിസരത്തു നിന്നും ഘോഷ യാത്രയായ , ശാന്തിനഗർ ചുറ്റി ശ്രീനഗർ വഴി റോയൽ ടവറിലെ നായർ ഭവനിൽ എത്തിച്ചേരുന്നു. താലപ്പൊലിയുടെയും ചെണ്ടമേളത്തിന്റെയും അകമ്പടിയോടെ പത്മഭൂഷൻ ഭാരത കേസരി മന്നത്ത് പത്മനാഭന്റെ ഛായാചിത്രവും വഹിച്ചു കൊണ്ടുള്ള ഘോഷ യാത്രയിൽ നൂറു കണക്കിന് നായർ സമുദായ അംഗങ്ങൾ അണിനിരക്കും. വൈകുന്നേരം 7.30ന് സമാജം ഓഫീസിൽ എത്തിച്ചേരും.
തുടർന്ന് ആചാര്യ വന്ദനവും പുഷ്പാർച്ചനയ്ക്കും ശേഷം മന്നത്തിന്റെ ഫ്രെയിം ചെയ്ത ഫോട്ടോ എല്ലാ അംഗങ്ങൾക്കും കൈമാറും. “എവിടെയൊക്കെ നായർ ഭവനമുണ്ടോ അവിടെയൊക്കെ മന്നത്ത് ആചാര്യനുണ്ട് .”എന്ന പദ്ധതിയുടെ ഭാഗമായാണ് ഫോട്ടോകൾ എല്ലാ നായർ കുടുംബങ്ങൾക്കും വിതരണം ചെയ്യുന്നത്. ആയിരത്തിലധികം ഫോട്ടോകൾ ഇതിനോടകം തയ്യാറായി കഴിഞ്ഞതായി സംഘാടകർ അറിയിച്ചു.
ഇതിന്റെ ഔപചാരിക ഉൽഘാടനം മഹാരാഷ്ട്രാ മുഖ്യമന്ത്രി എക്നാഥ് ഷിൻഡെ കഴിഞ്ഞ ദിവസം നിർവഹിച്ചു. ചടങ്ങിൽ അസ്സോസിയേഷൻ ഭാരവാഹികളും അംഗങ്ങളും പങ്കെടുത്തു. പുതുതായി ചുമതലയെടുത്ത NWA പ്രസിഡന്റ് ശ്രീകാന്ത് നായരെ മുഖ്യമന്ത്രി ഷാൾ അണിയിച്ച് അനുമോദിച്ചു.
ഘോഷയാത്രയിൽ പങ്കെടുക്കുവാൻ ആഗ്രഹിക്കുന്ന സമുദായ അംഗങ്ങൾ ജനുവരി 2 ചൊവ്വാഴ്ച വൈകുന്നേരം 6 മണിയ്ക്ക് ശ്രീനഗർ അയ്യപ്പക്ഷേത്രപരിസരത്ത് എത്തിച്ചേരണമെന്ന് പ്രസിഡന്റ് ശ്രീകാന്ത് നായർ അറിയിച്ചു. വിവരങ്ങൾക്ക് 8291655565,9821448888