ബോളിവുഡ് താരം വിദ്യാബാലനാണ് തന്റെ ഏറ്റവും പുതിയ ഇൻസ്റ്റാഗ്രാം പോസ്റ്റിൽ മലയാള സിനിമയോടുള്ള ഇഷ്ടം വെളിപ്പെടുത്തിയത് . ദേശീയ അവാർഡ് ജേതാവായ നടി ഇൻസ്റ്റാഗ്രാമിൽ ഒരു റീൽ വീഡിയോയാണ് പങ്ക് വച്ചിരിക്കുന്നത്. 1991 ലെ മലയാള ചിത്രമായ ‘മൂക്കില്ല രാജ്യം’ എന്ന ചിത്രത്തിലെ രസകരമായ ഒരു രംഗത്തിന്റെ പുനരാവിഷ്കാരമാണ് നടി ഏകാങ്ക പ്രകടനത്തിലൂടെ കാഴ്ച വച്ചിരിക്കുന്നത്.
ചിത്രത്തിലെ മുകേഷും തിലകനും സിദ്ധിഖും ജഗതിയും ഒന്നിച്ച രംഗമാണ് വിദ്യ വീണ്ടും ചെയ്തിരിക്കുന്നത്. മലയാള സിനിമയോട് ഇഷ്ടം എന്ന ഹാഷ്ടാഗിനൊപ്പം രണ്ട് ആഴ്ചയായി മലയാള സിനിമ കാണുകയാണെന്ന കുറിപ്പും വീഡിയോയ്ക്കൊപ്പം വിദ്യ പങ്കുവെച്ചു.