സ്മാർട്ടാകാൻ താനെ നഗരമൊരുങ്ങി .

    0
    നൂതന സാങ്കേതിക വിദ്യയുടെ ഉപയോഗം ക്രമീകരിച്ചു ഡിജിറ്റൽ സാദ്ധ്യതകൾ പ്രയോജനപ്പെടുത്തി സ്മാർട്ടെസ്റ്റ് സിറ്റിയെന്ന ഖ്യാതി നേടിയ 
    ഇസ്രായേലിലെ ടെൽ അവീവ് എന്ന നഗരത്തിന് സമാന്തരമായ സംവിധാനങ്ങളാണ് മുംബൈയിലെ താനേ ജില്ലയിലും പ്രാബല്യത്തിൽ കൊണ്ട് വരുന്നത്.  
     
    ‘ഡിജി താനെ’  എന്ന മൊബൈൽ അപ്ലിക്കേഷൻ ഡൌൺ ലോഡ് ചെയ്‌താൽ മുനിസിപ്പൽ ഓഫീസിൽ കയറി ഇറങ്ങാതെ തന്നെ ഡിജിറ്റൽ സാദ്ധ്യതകൾ പ്രയോജനപ്പെടുത്തി  ക്രിയാത്മകമായ ഇടപാടുകൾ  നടത്താമെന്നതാണ്‌ പ്രധാന നേട്ടം .
     
    ശിവസേന യുവ നേതാവ് ആദിത്യ താക്കറെ ‘ഡിജി താനെ’ എന്ന അപ്ലിക്കേഷന്റെ ഔപചാരികമായ ഉത്‌ഘാടനം നിർവഹിച്ചു.
     
    താനെ ജില്ലയിലെ ആശുപത്രീകൾ, സ്‌കൂളുകൾ, ബ്ലഡ് ബാങ്കുകൾ, മാളുകൾ തുടങ്ങി പൊതു സേവന രംഗങ്ങളെല്ലാം ഈ അപ്പ്ലിക്കേഷനുമായി ബന്ധപ്പെടുത്തിയിട്ടുണ്ട്. കൂടാതെ എച് ഡി എഫ് സി ബാങ്കുമായി ചേർന്ന് പ്രീ പൈഡ് കാർഡ് സേവനവും ലഭ്യമാണ്.  വാട്ടർ ടാക്സ്  പ്രോപ്പർട്ടി ടാക്സ് വൈദ്യതി ബിൽ തുടങ്ങിയവ പ്രീ പൈഡ് കാർഡ് വഴി നൽകാവുന്നതാണ്.
     
    മലയാളികളടക്കം ഏകദേശം പന്ത്രണ്ടു ലക്ഷം ജനങ്ങൾ വസിക്കുന്ന താനെ രാജ്യത്തെ ആദ്യ ഡിജിറ്റൽ സിറ്റിയാകുന്നതിലുള്ള സന്തോഷത്തിലാണ് ഇവിടുത്തെ നിവാസികൾ.
     
    ഗാർഡിയൻ മിനിസ്റ്റർ ഏക്‌നാഥ് ഷിൻഡെ,  എം പി മാരായ ശ്രീകാന്ത് ഷിൻഡെ, പ്രതാപ് സർ നായക്, മേയർ മീനാക്ഷി ഷിൻഡെ,  മുനിസിപ്പൽ കമ്മിഷണർ സഞ്ജീവ് ജയ്‌സ്വാൾ കൂടാതെ ഇസ്രായേൽ പ്രതിനിധികളും ചടങ്ങിൽ  പങ്കെടുത്തു   

    LEAVE A REPLY

    Please enter your comment!
    Please enter your name here