Searching – സമകാലിക ജാഗ്രത കേന്ദ്ര കഥാപാത്രമായ ചിത്രം – Movie Review

ഈയാഴ്ച മുംബൈയിൽ പ്രദർശിപ്പിക്കുന്ന ചിത്രങ്ങളുടെ ഗണത്തിൽ ടോപ് ചാർട്ടിൽ നിൽക്കുന്ന സിനിമയാണ് സെർച്ചിങ്.

0
നിരവധി ത്രില്ലർ ചിത്രങ്ങളിൽ സാങ്കേതിക സംവിധാനങ്ങളുടെ സാന്നിധ്യം ഭയപ്പെടുത്തുവാനോ, സാഹസികതയുടെ വ്യാപ്തി കൂട്ടുവാനോ ആയാണ് കൂടുതലായും ഉപയോഗിച്ചു വരുന്നത്. എന്നാൽ ആര്‍ട്ടിഫിഷ്യല്‍ ഇന്റലിജന്‍സ് (AI) പിടിമുറുക്കുന്ന ലോകത്ത് കൃത്യമായ സൂചനകളിലൂടെ ദുരൂഹതകളുടെ ചുരുളഴിക്കുന്ന സന്ദർഭങ്ങളാണ് സെർച്ചിങ് എന്ന ത്രില്ലർ ചിത്രത്തിന്റെ പ്രധാന സ്വീകാര്യത.

വിവര ശേഖരങ്ങളുടെ ഒരു കൂമ്പാരമാണ് സോഷ്യൽ മീഡിയ. മാർഗറ്റിന് എന്ത് സംഭവിച്ചിരിക്കാമെന്ന നിഗമനത്തിലേക്ക് ഡേവിഡിനെ നയിച്ചതും സമൂഹ മാധ്യമങ്ങളിലൂടെ മകൾ സഞ്ചരിച്ച വഴികൾ തന്നെയായിരുന്നു

ഡേവിഡിന്റെ മകളായ പതിനേഴ് വയസ്സുള്ള മാർഗറ്റ് എന്ന പെൺകുട്ടിയുടെ തിരോധനം അന്വേഷിക്കാനായി ഒരു ഡിറ്റക്റ്റീവിനെ ഏർപ്പെടുത്തുന്നു. കാര്യമായ സൂചനകളോ തെളിവുകളോയില്ലാത്ത സംഭവത്തിന്റെ അന്വേഷണം എവിടെ നിന്ന് തുടങ്ങണമെന്ന ആശങ്ക നില നിൽക്കുന്നിടത്താണ് ഡേവിഡ് അധികമാരും ശ്രദ്ധ കൊടുക്കാത്ത കേന്ദ്രത്തിൽ നിന്നും തന്റെതായ രീതിയിൽ തെളിവുകളെയും സൂചനകളെയും ഏകോപിപ്പിച്ചു യാഥാർഥ്യങ്ങൾ ചികയുന്നത്. പ്രധാനമായും ജനപ്രിയ സമൂഹ മാധ്യമങ്ങളായ ഫേസ്ബുക്, ഫേസ് ടൈം കൂടാതെ യൂട്യൂബ് പോലുള്ള സോഷ്യൽ മീഡിയകളിലെ ഇടപെടലുകളാണ് ഡേവിഡ് സൂക്ഷ്മമായി പരിശോധനക്ക് വിധേയമാക്കിയത്.
വിവര ശേഖരങ്ങളുടെ ഒരു കൂമ്പാരമാണ് സോഷ്യൽ മീഡിയ. മാർഗറ്റിന് എന്ത് സംഭവിച്ചിരിക്കാമെന്ന നിഗമനത്തിലേക്ക് ഡേവിഡിനെ നയിച്ചതും സമൂഹ മാധ്യമങ്ങളിലൂടെ മകൾ സഞ്ചരിച്ച വഴികൾ തന്നെയായിരുന്നു. ചിത്രം പുരോഗമിക്കും തോറും ഡേവിഡ് സ്വരുക്കൂട്ടിയത് ചെറിയ ചെറിയ തുണ്ടുകളിലൂടെയുള്ള വിവരങ്ങളായിരുന്നു. ദൈനം ദിന പോസ്റ്റുകൾ, അപ്പ്ഡേറ്റുകൾ, കമന്റുകൾ, ട്രെൻഡിങ് ആയ വാർത്തകൾ തുടങ്ങി ഡേവിഡിന്റെ അന്വേഷണം പുരോഗമിക്കും തോറും ഞെട്ടിക്കുന്ന വെളിപ്പെടുത്തലുകളാണ് പുറത്തു വന്നത്.
പ്രേക്ഷകനെ മുൾമുനയിൽ നിർത്തുന്ന സസ്പെൻസ് ത്രില്ലറായി സെർച്ചിങ് എന്ന ചിത്രം തീയേറ്ററുകളിൽ മികച്ച പ്രതികരണം നേടുമ്പോൾ ചിന്നിച്ചിതറി കിടക്കുന്ന തെളിവുകളെ ചിട്ടയോടെ ഒന്നൊന്നായി പുറത്തെടുത്തു തീവ്രത നിലനിർത്തിയ കെട്ടുറപ്പുള്ള തിരക്കഥ തന്നെയാണ് പ്രധാന താരം. അന്വേഷണ ഉദ്യോഗസ്ഥയായ റോസ്മേരി സ്വന്തം മകനെ സംരക്ഷിക്കാൻ നടത്തുന്ന ശ്രമങ്ങൾക്കിടയിൽ മകളുടെ ലാപ്ടോപ്പിൽ നിന്ന് തിരഞ്ഞെടുത്ത ഫോട്ടോകൾ, വീഡിയോകൾ കൂടാതെ സോഷ്യൽ മീഡിയകളിലൂടെ ശേഖരിച്ച കുറെ വിവരങ്ങളെ കൂട്ടിയിണക്കിയുള്ള സത്യാന്വേഷണമാണ് ചിത്രത്തിന്റെ കാതൽ. ഈയാഴ്ച മുംബൈയിൽ പ്രദർശിപ്പിക്കുന്ന ചിത്രങ്ങളുടെ ഗണത്തിൽ ടോപ് ചാർട്ടിൽ നിൽക്കുന്ന സിനിമയാണ് സെർച്ചിങ്.
Searching
Director – Aneesh Chaganty
Cast – John Cho, Debra Messing, Michelle La
Rating 9/10

ഖലീഫയായി വിസ്മയിപ്പിക്കുന്ന പകർന്നാട്ടവുമായി നെടുമുടി വേണു
മോഹൻലാൽ ; അയാം ദി സോറി അളിയാ !! (Movie Review)
RACE 3 – Race Away from the Movie! (Review)
വിസ്മയിപ്പിച്ചു ജയസൂര്യ (Movie Review)

LEAVE A REPLY

Please enter your comment!
Please enter your name here