എയ്മ നവ കേരള പദ്ധതിക്ക് മികച്ച തുടക്കം; പിന്തുണയുമായി പ്രമുഖർ

0
നവ കേരളം കെട്ടിപ്പടുക്കുക എന്ന ലക്ഷ്യത്തോടെ ഓൾ ഇന്ത്യ മലയാളി അസ്സോസിയേഷൻ തുടങ്ങി വച്ച REBUILDING KERALA എന്ന പദ്ധതിക്ക് ആവേശകരമായ തുടക്കം. പദ്ധതിയുടെ സാക്ഷാത്ക്കാരത്തിനായി സംഘടിപ്പിക്കുന്ന One Song at a time എന്ന മെഗാ ഷോയ്ക്ക് പിന്തുണയുമായി മുംബൈയിലെ നിരവധി പ്രമുഖർ രംഗത്തെത്തി. മുൻ മുംബൈ ഷെരിഫ് ഡോ. അശോക് മേത്ത എയ്മയുടെ ഉദ്യമത്തിനായി അകമഴിഞ്ഞ പിന്തുണയാണ് പ്രഖ്യാപിച്ചത്. ലയൺസ് ഇന്റർനാഷണൽ മുൻ പ്രസിഡണ്ട്, ലയൺ താരാചന്ദ് ബാപ്പ ഹോസ്പിറ്റൽ സ്ഥാപക ചെയർമാൻ, എം.എം.പി ഷാ കോളേജ് ഓഫ് ആർട്സ് ആൻഡ് കോമേഴ്‌സ് ചെയർമാൻ എന്നീ നിലകളിലും പ്രശസ്തനാണ് ഡോ അശോക് മേത്ത. കേരളത്തിന്റെ പുനരുദ്ധാരണത്തോടൊപ്പം തന്നെ നിർദ്ദനരായ കുറെ കലാകാരന്മാരെ കൈപിടിച്ചുയർത്തുക എന്ന ലക്ഷ്യത്തോടെ വിഭാവനം ചെയ്ത എയ്മയുടെ സംരംഭത്തിനായി എല്ലാ സുമനുസകളുടെയും സഹായം തേടുമെന്ന് ആദ്യ സംഭാവന നൽകി കൊണ്ട് ഡോ മേത്ത പറഞ്ഞു.
ഡിസമ്പർ 30 ന് ഷണ്മുഖാനന്ദ ഹാളിൽ വച്ച് നടക്കുന്ന സംഗീത നൃത്ത പരിപാടിയിൽ സാമൂഹിക സാംസ്‌കാരിക രംഗത്തെ പ്രമുഖരെ കൂടാതെ ബോളിവുഡ് മലയാളം സിനിമാ ടെലിവിഷൻ മേഖലയിലെ പ്രശസ്തരും അണി നിരക്കുമെന്നു എയ്മ മഹാരാഷ്ട്ര ഘടകം പ്രതിനിധികൾ അറിയിച്ചു.

 Click above for the Digital version. Chose full screen view for better reading
ഭിന്നശേഷിക്കാരുടെ പുനരധിവാസത്തിനും ഉന്നമനത്തിനുമായി രൂപം കൊടുത്ത ഉഡാൻ എന്റർടൈൻമെന്റ് ഗ്രൂപ്പാണ് നവ കേരളം കെട്ടിപ്പടുക്കുന്നതിനായി ഓൾ ഇന്ത്യ മലയാളി അസോസിയേഷൻ സംഘടിപ്പിക്കുന്ന REBUILDING KERALA, എന്ന നൃത്ത സംഗീത പരിപാടിക്കായി കൈകോർക്കുന്നത്. കാഴ്ച ശക്‌തിയില്ലാത്തവരും അംഗവൈകല്യമുള്ളവരുമായ അമ്പതോളം കലാ പ്രതിഭകളുടെ കൂട്ടായ്മയാണ് ഉഡാൻ എന്റർടൈൻമെന്റ് ഗ്രൂപ്പ്. സമൂഹത്തിൽ ഒറ്റപ്പെട്ടു കഴിയുന്ന, തൊഴിലില്ലായ്മ ഒരു വെല്ലുവിളിയായ ഈ വിഭാഗത്തിനുള്ള ഏക വരുമാന മാർഗം കൂടിയാണ് ഇത്തരം വേദികൾ.
ഗോകുലം ഗോപാലൻ നയിക്കുന്ന എയ്മ നവകേരള പദ്ധതിയിൽ ബാബു പണിക്കർ, പി എൻ ശ്രീകുമാർ, ഡോ പി ജെ അപ്രേം, അഡ്വക്കേറ്റ് പ്രേമാ മേനോൻ, ജി കോമളൻ, എ എൻ ഷാജി, ഉപേന്ദ്രമേനോൻ, ടി.എ ഖാലിദ്, മോഹൻ കണ്ടത്തിൽ, അഡ്വ.പത്മ ദിവാകരൻ, അഡ്വ.ജി.എ.കെ നായർ, കെ.ടി നായർ, പി.എൻ മുരളീധരൻ, രാഖി സുനിൽ, കെ.പി കോശി, പ്രകാശ് പടിക്കൽ, പ്രേംകുമാർ തുടങ്ങി നിരവധി പ്രമുഖരടങ്ങുന്ന ടീമാണ് സാക്ഷാത്ക്കാരത്തിനായി പ്രയത്നിക്കുന്നത്.
For more details : Dr. P.J. Aprain 98211 14111
For Passes  G. Komalan –  996 733 0859 / Adv. Prema Menon – 989 2180 858

http://www.myaima.org

REBUILDING KERALA
One Song at a Time
Venue : SHANMUKHANANDA HALL, Matunga
Date : 30 December 2018 

Tune in AMCHI MUMBAI for more details.

Subscribe & enable Bell icon for regular update

www.amchimumbaionline.com
Like : https://www.facebook.com/amchimumbaikairalitv
Subscribe : https://www.youtube.com/amchimumbaikairalitv



നവ കേരളത്തിന് പിന്തുണയുമായി എയ്മ മഹാരാഷ്ട്ര ഘടകം
കേരളത്തിന് അഞ്ചര കോടി രൂപയുടെ മരുന്നുകൾ കൈമാറി എയ്മ
കേരളത്തിന് കൈത്താങ്ങായി ആൾ ഇന്ത്യ മലയാളി അസ്സോസിയേഷനും
മനഃശക്തിയുടെ ഈണവും ചുവടുകളുമായി ഭിന്ന ശേഷിക്കാരായ കലാകാരന്മാർ

LEAVE A REPLY

Please enter your comment!
Please enter your name here