മഹാരാഷ്ട്രയിൽ തുടർച്ചയായ മൂന്ന് ദിവസം ആറായിരത്തിന് മുകളിൽ പുതിയ കേസുകൾ റിപ്പോർട്ട് ചെയ്തതിന് ശേഷം ഇന്ന് കേസുകളുടെ എണ്ണത്തിൽ നേരിയ കുറവാണ് രേഖപ്പെടുത്തിയത്.
തിങ്കളാഴ്ച 5,210 പുതിയ COVID-19 കേസുകൾ കൂടി റിപ്പോർട്ട് ചെയ്തു. ഫെബ്രുവരി 10 മുതൽ കോവിഡ് -19 കേസുകളിൽ വർദ്ധനവ് രേഖപ്പെടുത്തിയ സംസ്ഥാനം വെള്ളിയാഴ്ച (ഫെബ്രുവരി 19) മുതൽ തുടർച്ചയായി 6,112, ശനിയാഴ്ചയും ഞ്യാറാഴ്ചയും യഥാക്രമം 6,281, 6,971 കേസുകൾ റിപ്പോർട്ട് ചെയ്തു.
5,210 പുതിയ കേസുകളോടെ മഹാരാഷ്ട്രയിലെ കോവിഡ് -19 എണ്ണം 21,06,094 ആയി ഉയർന്നു.
മുംബൈ മെട്രോപൊളിറ്റൻ റീജിയനിൽ (എംഎംആർ) 1,364 കേസുകൾ റിപ്പോർട്ട് ചെയ്തു. വിദർഭ മേഖലയിലെ അകോല സർക്കിളിൽ തിങ്കളാഴ്ച 1,154 പുതിയ അണുബാധകൾ രേഖപ്പെടുത്തി.
തിങ്കളാഴ്ച 18 പുതിയ മരണങ്ങൾ റിപ്പോർട്ട് ചെയ്തതോടെ സംസ്ഥാനത്തെ മരണനിരക്ക് 51,806 ആയി ഉയർന്നതായി സർക്കാർ അറിയിച്ചു.
18 മരണങ്ങളിൽ 6 എണ്ണം കഴിഞ്ഞ 48 മണിക്കൂറിനുള്ളിൽ റിപ്പോർട്ട് ചെയ്യപ്പെട്ടപ്പോൾ 9 പേർ കഴിഞ്ഞ ആഴ്ച്ച റിപ്പോർട്ട് ചെയ്തു. ശേഷിക്കുന്ന മൂന്ന് മരണങ്ങൾ കഴിഞ്ഞ ആഴ്ച്ചയ്ക്ക് മുമ്പുള്ള കാലയളവിലാണ്.
തിങ്കളാഴ്ച 5,035 രോഗികൾ സുഖം പ്രാപിച്ചു ആശുപത്രി വിട്ടു. ഇതുവരെ അസുഖം ഭേദമായവരുടെ എണ്ണം 19,99,982 ആയി.
മുംബൈ നഗരത്തിൽ തിങ്കളാഴ്ചയാണ് ഏറ്റവും കൂടുതൽ ഏകദിന കേസുകൾ റിപ്പോർട്ട് ചെയ്തത്. 761 എണ്ണം. വിദർഭയിലെ നാഗ്പൂർ, അമരാവതി നഗരങ്ങളിൽ യഥാക്രമം 643, 555 കേസുകൾ രേഖപ്പെടുത്തി. പൂനെ, പിംപ്രി-ചിഞ്ച്‌വാഡ് നഗരങ്ങളിൽ യഥാക്രമം 336, 207 കേസുകൾ റിപ്പോർട്ട് ചെയ്തു .
കല്യാൺ ഡോംബിവ്‌ലി മേഖലയിൽ 132 പുതിയ കേസുകൾ റിപ്പോർട്ട് ചെയ്തു.
ഞായറാഴ്ച മഹാരാഷ്ട്ര 7,000 പുതിയ കോവിഡ് -19 കേസുകൾ രേഖപ്പെടുത്തിയിരുന്നു. കഴിഞ്ഞ 3 മാസത്തിനിടയിലെ ഏറ്റവും വലിയ കുതിപ്പാണ് സംസ്ഥാനത്ത് റിപ്പോർട്ട് ചെയ്തത്. അടുത്ത രണ്ടാഴ്ചയ്ക്കുള്ളിൽ ദിവസേനയുള്ള കോവിഡ് -19 കേസുകൾ ഇനിയും വർദ്ധിക്കുകയാണെങ്കിൽ ലോക്ക്ഡൗൺ വീണ്ടും നടപ്പാക്കേണ്ടിവരുമെന്ന് മുഖ്യമന്ത്രി ഉദ്ദവ് താക്കറെ മുന്നറിയിപ്പ് നൽകിയിരുന്നു.
- മഹാനഗരത്തില്‍ മലയാളത്തനിമയുടെ നൂപുരധ്വനികളുയര്‍ത്തി പശ്ചിമ മേഖല പന്ത്രണ്ടാം മലയാളോത്സവം
- കരിങ്കാളി നാടൻ പാട്ട് മെഗാ ഷോ ഡിസംബർ 2ന് കല്യാണിൽ
- നവിമുംബൈ മെട്രോ ; ഒരാഴ്ചയ്ക്കുള്ളിൽ ഒരു ലക്ഷത്തിലധികം യാത്രക്കാർ
- ബിഎസ്എൻഎൽ ജീവനക്കാരുടെ മനുഷ്യ ചങ്ങല നാളെ
- പരിഭ്രാന്തി പടർത്തി പൻവേലിൽ ഭൂചലനം
- ക്ഷേത്രനഗരിയെ ഭക്തിസാന്ദ്രമാക്കി അയ്യപ്പ മണ്ഡല മഹോത്സവ പൂജ
- മുംബൈയിലെ മണ്ഡല പൂജ മഹോത്സവങ്ങൾ
- പാലക്കാട് നിന്ന് മുംബൈയിലെത്തിയ മലയാളി യുവാവിനെ കാണ്മാനില്ല
- ഏഴുനിലയിലെ അക്ഷരപ്പെരുമ
