കഴിഞ്ഞ അഞ്ച് ദിവസമായി 8,000 കേസുകൾ രേഖപ്പെടുത്തിയ ശേഷം മഹാരാഷ്ട്രയുടെ കോവിഡ് -19 പ്രതിദിന കേസുകളുടെ എണ്ണത്തിൽ നേരിയ ഇടിവ് രേഖപ്പെടുത്തിയത് ആശ്വാസത്തിന് വക നൽകുന്നു. കഴിഞ്ഞ 24 മണിക്കൂറിനുള്ളിൽ 6,397 പുതിയ കേസുകളാണ് റിപ്പോർട്ട് ചെയ്തത്. ഇതോടെ സംസ്ഥാനത്ത് ചികിത്സയിൽ കഴിയുന്നവരുടെ എണ്ണം 77,618 ആയി ഉയർന്നു.
കൊറോണ വൈറസ് കഴിഞ്ഞ 24 മണിക്കൂറിനുള്ളിൽ 30 രോഗികളുടെ ജീവൻ അപഹരിച്ചു. സംസ്ഥാനത്ത് മരണസംഖ്യ 52,184 ആയി ഉയർന്നു.
കഴിഞ്ഞ 24 മണിക്കൂറിനുള്ളിൽ 5,754 കോവിഡ് -19 രോഗികൾ സുഖം പ്രാപിച്ചു. ആരോഗ്യ ബുള്ളറ്റിൻ പ്രകാരം ഇത് വരെ സംസ്ഥാനത്ത് ചികിത്സിച്ച രോഗികളുടെ എണ്ണം 20,30,458 ആയി ഉയർന്നു.
സംസ്ഥാനത്ത് രോഗവ്യാപനത്തിലെ വർദ്ധനവ് ഇനിയുമൊരു ലോക്ക്ഡൗൺ ഏർപ്പെടുത്തുന്നതിലേക്ക് നയിക്കുമെന്ന് മുഖ്യമന്ത്രി ഉദ്ധവ് താക്കറെ മുന്നറിയിപ്പ് നൽകിയിരുന്നെങ്കിലും തൽക്കാലം ഇത് അടിച്ചേൽപ്പിക്കാൻ ആഗ്രഹിക്കുന്നില്ലെന്നാണ് അദ്ദേഹം പറഞ്ഞത്. ലോക്ക്ഡൗൺ ഒഴിവാക്കാൻ മാസ്ക് ധരിക്കണമെന്നും താക്കറെ സംസ്ഥാനത്തെ ജനങ്ങളോട് അഭ്യർത്ഥിച്ചു.
മുംബൈയിൽ വർദ്ധിച്ചുവരുന്ന കോവിഡ് -19 കേസുകൾക്കിടയിൽ, പശ്ചിമ റെയിൽ‌വേ ബ്രിഹൻ‌മുംബൈ മുനിസിപ്പൽ കോർപ്പറേഷനുമായി (ബി‌എം‌സി) സംയുക്തമായി നടത്തിയ പരിശോധനയിൽ ഫെബ്രുവരിയിൽ മൊത്തം 5.97 ലക്ഷം പിഴ ഈടാക്കി. പൊതുസ്ഥലങ്ങളിൽ മാസ്ക്കില്ലാതെ പിടിക്കപ്പെട്ടതിന് 3,819 പേർക്ക് പിഴ ചുമത്തി.
- അശരണാർക്കായി കർമ്മ പദ്ധതികൾ; ഔദ്യോദിക പ്രഖ്യാപനം പാണക്കാട് സയ്യദ് സാദിഖ്അലി ശിഹാബ് തങ്ങൾ നിർവ്വഹിക്കും
- പത്ത് ദിവസത്തെ ഗണേശോത്സവത്തിന് പരിസമാപ്തി
- സാഹിത്യവേദിയിൽ അഡ്വ. പി. ആർ. രാജ്‌കുമാർ കഥകൾ അവതരിപ്പിക്കും
- മധുവിന്റെ നവതി ആഘോഷവേദിയെ സമ്പന്നമാക്കി ഡോ. സജീവ് നായരുടെ നൃത്താവിഷ്കാരം
- നാസിക് കേരള സേവാ സമിതിയുടെ ഓണാഘോഷം
- ഓണാഘോഷവും ഓണസദ്യയും പ്രിയപ്പെട്ടതെന്ന് ചലച്ചിത്ര നടി പല്ലവി പുരോഹിത്
- മഹാരാഷ്ട്ര സർക്കാർ വെള്ളിയാഴ്ച അവധി പ്രഖ്യാപിച്ചു; നാളെ മുതൽ 5 അവധി ദിവസങ്ങൾ
- എസ്സ്.എൻ.ഡി.പി യോഗം കാമോത്തെ ശാഖ വാർഷികവും കുടുംബസംഗമവും
