മഹാരാഷ്ട്രയിൽ രോഗികളുടെ എണ്ണം കുറയുന്നു

0

മഹാരാഷ്ട്രയിലെ പ്രതിദിന രോഗികളുടെ എണ്ണം അര ലക്ഷത്തിന് താഴെയാണ് ഇന്ന് റിപ്പോർട്ട് ചെയ്തത്. മുംബൈയിലും രോഗവ്യാപനത്തിൽ ഗണ്യമായ കുറവ് രേഖപ്പെടുത്തി.

മഹാരാഷ്ട്രയിൽ 48,621 പുതിയ കേസുകളും 567 മരണങ്ങളും റിപ്പോർട്ട് ചെയ്തു. സംസ്ഥാനത്ത് രോഗികളുടെ എണ്ണം 4,771,022 ആയി ഉയർന്നു. മരണസംഖ്യ 70,85. സംസ്ഥാനത്ത് ഇത് വരെ രോഗമുക്തി നേടിയവരുടെ എണ്ണം 4,041,158 രേഖപ്പെടുത്തി. കഴിഞ്ഞ 24 മണിക്കൂറിനുള്ളിൽ 59,500 പേരെ അസുഖം ഭേദമായി ഡിസ്ചാർജ് ചെയ്തു.

മുംബൈയിൽ തിങ്കളാഴ്ച 2,624 കേസുകളും 78 മരണങ്ങളും റിപ്പോർട്ട് ചെയ്തു. നഗരത്തിലെ രോഗബാധിതരുടെ എണ്ണം 658,621ആയി ഉയർന്നു. മരണസംഖ്യ 13,372.

രാജ്യത്ത് ഏറ്റവുമധികം കോവിഡ് -19 കേസുകൾ റിപ്പോർട്ട് ചെയ്യുന്നത് മഹാരാഷ്ട്രയാണ്. രണ്ടാം തരംഗം ഏറ്റവുമധികം ബാധിച്ച സംസ്ഥാനമാണിത്. നിലവിൽ രോഗവ്യാപനം തടയുന്നതിനായി മെയ് 15 വരെ കടുത്ത നിയന്ത്രണത്തിലാണ് സംസ്ഥാനം.

LEAVE A REPLY

Please enter your comment!
Please enter your name here