മഹാരാഷ്ട്രയിൽ 24 മണിക്കൂറിനുള്ളിൽ 26,672 പുതിയ കോവിഡ് -19 കേസുകൾ രേഖപ്പെടുത്തി; 594 മരണങ്ങൾ കൂടി റിപ്പോർട്ട് ചെയ്തതോടെ മരണസംഖ്യ 88,620 ആയി. 29,177 രോഗികളാണ് അസുഖം ഭേദമായി ആശുപത്രി വിട്ടത്. സംസ്ഥാനത്ത് രോഗബാധിതരുടെ എണ്ണം 5,140,272 ൽ എത്തി.
92.12 ശതമാനമാണ് രോഗമുക്തി നിരക്ക്. നിലവിൽ 348,395 പേരാണ് ചികിത്സയിൽ കഴിയുന്നത്.
അതേസമയം, തലസ്ഥാന നഗരമായ മുംബൈയിൽ 1,427 പുതിയ കോവിഡ് -19 കേസുകൾ റിപ്പോർട്ട് ചെയ്തു. ഇതോടെ രോഗികളുടെ എണ്ണം 696,910 ആയി. 49 മരണങ്ങൾ കൂടി റിപ്പോർട്ട് ചെയ്തതോടെ നഗരത്തിലെ മരണസംഖ്യ 14,565 ആയി ഉയർന്നു.
കോവിഡ് രണ്ടാം തരംഗത്തിന് ശേഷം കണ്ടെത്തിയ പുതിയ കേസുകളുടെ എണ്ണത്തിൽ കുറവുണ്ടാകുന്ന പ്രവണതയാണ് സംസ്ഥാനത്ത് പ്രകടമാകുന്നത്. ശനിയാഴ്ച (മെയ് 22) 26,133 പുതിയ കേസുകളും വെള്ളിയാഴ്ച (മെയ് 21) 29,644 പുതിയ കേസുകളും വ്യാഴാഴ്ച (മെയ് 20) 29,911 പുതിയ കേസുകളും സംസ്ഥാനം കണ്ടെത്തി. എന്നിരുന്നാലും, ദിവസേന മരണമടയുന്നവരുടെ എണ്ണത്തിൽ കുറവില്ലാത്തത് ആശങ്കയായി തുടരുന്നു.
മഹാരാഷ്ട്രയിൽ എല്ലായിടത്തും കോവിഡ് രോഗികളുടെ എണ്ണത്തിൽ കുറവ് വരുമ്പോൾ അമരാവതിയിൽ മാത്രം രോഗം കൂടുതൽ പേരിലേക്ക് വ്യാപിക്കുന്നതായി കാണുന്നത് കോവിഡ് വ്യാപനത്തിന്റെ മൂന്നാം തരംഗത്തിന്റെ തുടക്കമാണോ എന്നുവരെ പലരും സംശയം ഉന്നയിച്ചുതുടങ്ങി. എന്നാൽ ഇക്കാര്യത്തിൽ ആരോഗ്യ രംഗത്തെ വിദഗ്ധർ അഭിപ്രായമൊന്നും പറഞ്ഞിട്ടില്ല.
- 500 പേരെ വീടിന്‍റെ സുരക്ഷിതത്വത്തിലേക്കു തിരികെയെത്തിച്ച് സീൽ ആശ്രമം
- പന്ത്രണ്ടാം മലയാളോത്സവത്തിന്റെ ഭാഗമായി സംഘടിപ്പിക്കുന്ന സാഹിത്യ മത്സരങ്ങള്‍
- അശരണാർക്കായി കർമ്മ പദ്ധതികൾ; ഔദ്യോദിക പ്രഖ്യാപനം പാണക്കാട് സയ്യദ് സാദിഖ്അലി ശിഹാബ് തങ്ങൾ നിർവ്വഹിക്കും
- പത്ത് ദിവസത്തെ ഗണേശോത്സവത്തിന് പരിസമാപ്തി
- സാഹിത്യവേദിയിൽ അഡ്വ. പി. ആർ. രാജ്‌കുമാർ കഥകൾ അവതരിപ്പിക്കും
- മധുവിന്റെ നവതി ആഘോഷവേദിയെ സമ്പന്നമാക്കി ഡോ. സജീവ് നായരുടെ നൃത്താവിഷ്കാരം
- നാസിക് കേരള സേവാ സമിതിയുടെ ഓണാഘോഷം
