തിരുവനന്തപുരം ആസ്ഥാനമായ ‘നിരീക്ഷ” വനിതാ നാടകവേദി നയിക്കുന്ന രണ്ടാഴ്ച നീണ്ടു നിന്ന വനിതകൾക്കുള്ള നാടക ശില്പശാല, ദൃശ്യ കലാ ഫൗണ്ടേഷൻ്റെ നേതൃത്വത്തിൽ വാഷി യിൽ ശനിയാഴ്ച ആരംഭിച്ചു. ഒരു വർഷമായി നിരീക്ഷയും ദൃശ്യകലയും സംയുക്തമായി നടത്തുന്ന നാലാമതു വനിതാ നാടക ശില്പശാലയാണിത്.
നിലവിലുള്ള രംഗഭാഷയും രംഗപാഠവും സ്ത്രീനാടക സങ്കല്പത്തിന് അനുയോജ്യമല്ലെന്ന തിരിച്ചറിവാണ് തിരുവനന്തപുരത്ത് “നിരീക്ഷ” എന്ന നാടകവേദി രൂപീകരിക്കാൻ ഡോ. രാജരാജേശ്വരിയെയും സുധി ദേവയാനിയെയും പ്രേരിപ്പിച്ചത്. വനിതാ നാടകവേദിക്ക് പുതിയ അർഥതലങ്ങൾ തേടുവാനും പുതിയ രംഗഭാഷ കണ്ടെത്തുവാനും നിരവധി നാടകാവതരണങ്ങളിലൂടെ നിരീക്ഷയ്ക്ക് കഴിഞ്ഞിട്ടുണ്ട്. നിരീക്ഷ, ഇത്തരത്തിലുള്ള കേരളത്തിലെ ഏക വനിതാ തിയേറ്റർ വേദി ആണ്.
മുംബൈ മലയാള നാടകവേദിയിലെ പരിചയ സമ്പന്നരായ കലാകാരികളും പുതുതലമുറയിലെ ഊർജ്ജസ്വലരായ നിരവധി പെൺകുട്ടികളുമാണ് ഈ വനിതാനാടകവേദിയുടെ ഭാഗമാകുന്നത്.
കഴിഞ്ഞ വർഷം ജൂണിലാണ് നവി മുബൈയിൽ വച്ച് നിരീക്ഷ നയിച്ച ത്രിദിന നാടകക്കളരി ആരംഭിച്ചത്. ഈ കളരിയുടെ തുടർച്ചയായി ഈ വർഷം 3 മാസത്തോളം ‘സ്ത്രീ നാടകവേദിയിലെ നാടകരചന എന്ന വിഷയവുമായി ബന്ധപ്പെട്ട് നിരീക്ഷയും ദൃശ്യകലയും ചേർന്ന് ഓൺലൈൻ നാടകക്കരളിയും നടത്തുകയുണ്ടായി.
മുബൈയിൽ നിന്നും ഒരു വനിത നാടക രൂപീകരണത്തിൻ്റെ അടുത്ത പടിയായി, രണ്ടു ദിവസം നീണ്ടു നിന്ന ‘നാടക രചന’ ശില്പശാല , വാഷി കേരള ഹൗസിൽ വച്ച് ഒരു മാസത്തിന് മുമ്പ് നടത്തിയിരുന്നു. രാജരാജേശ്വരിയും സുധിയുമടങ്ങുന്ന മൂന്നംഗ നിരീക്ഷ ടീമാണ് വനിതാ നാടകരൂപീകരണത്തിൻ്റെ അവസാന പടിയായ രണ്ടാഴ്ച നീണ്ടു നിൽക്കുന്ന പ്രൊഡക്ഷൻ വർക്ക്ഷോപ്പ് ഇപ്പോൾ വാഷിയിൽ വച്ച് നയിക്കുന്നത്.
- മഹാനഗരത്തില്‍ മലയാളത്തനിമയുടെ നൂപുരധ്വനികളുയര്‍ത്തി പശ്ചിമ മേഖല പന്ത്രണ്ടാം മലയാളോത്സവം
- കരിങ്കാളി നാടൻ പാട്ട് മെഗാ ഷോ ഡിസംബർ 2ന് കല്യാണിൽ
- നവിമുംബൈ മെട്രോ ; ഒരാഴ്ചയ്ക്കുള്ളിൽ ഒരു ലക്ഷത്തിലധികം യാത്രക്കാർ
- ബിഎസ്എൻഎൽ ജീവനക്കാരുടെ മനുഷ്യ ചങ്ങല നാളെ
- പരിഭ്രാന്തി പടർത്തി പൻവേലിൽ ഭൂചലനം
