മാനസരോവർ കാമോത്തെ മലയാളി സമാജത്തിന്റെ ഈ വർഷത്തെ ഓണാഘോഷം 2023 സെപ്റ്റംബർ മാസം 10-ാം തീയതി കാമോത്തെ സെക്ടർ പതിനാലിലുള്ള കരാടി സമാജ് ഹാളിൽ വച്ച് നടത്തി.
ഇൻകംടാക്സ് കമ്മീഷണർ അസ്ഹർ സൈൻ, ഐ ആർ എസ് മുഖ്യാതിഥിയായിരുന്നു. സമാജം പ്രസിഡണ്ട് സി പി ജലേഷ് അദ്ധ്യക്ഷത വഹിച്ചു. ജനറൽ സെക്രട്ടറി എൻ ബി ശിവപ്രസാദ് സ്വാഗതമാശംസിച്ചു .
വിശിഷ്ടാതിഥികളായിരുന്ന സന്തോഷ് ശങ്കരദാസൻ, ചീഫ് വൈസ് പ്രസിഡണ്ട് എസ് ബി ഐ ക്യാപിറ്റൽ, ഡോ നവീൻ, ജനറൽ മാനേജർ , മെഡി കവർ ഹോസ്പിറ്റൽ നവി മുംബൈ, പ്രശാന്ത് താക്കൂർ, എംഎൽഎ പൻവേൽ, ഒലിവ് ബിൽഡേഴ്‌സ് ചെയർമാൻ മത്തായി പിവി. ഡോ അരുൺ ഭഗത്, കോർപ്പറേറ്റർ കാമോത്തെ , ഉപദേശക കമ്മിറ്റി ചെയർമാൻ ഓ കെ പ്രസാദ് എന്നിവർ ആശംസാ പ്രസംഗം നടത്തി.
സമാജത്തിലെ മുതിർന്ന അംഗങ്ങളെ ചടങ്ങിൽ ആദരിച്ചു. മാനസരോവർ കാമോത്തെ മലയാളി സമാജവും മെഡികവർ ഹോസ്പിറ്റൽ നവി മുംബൈയും സംയുക്തമായി സമാജം അംഗങ്ങൾക്കായി ആരോഗ്യ ചികിത്സാ ഇളവുകൾ ലഭ്യമാകുന്ന മിത്രാ കാർഡിന്റെ വിതരണ ഉൽഘാടനവും നടന്നു.
സമാജം അംഗങ്ങളുടെയും ഡാൻസ് ക്ലാസിലെ കുട്ടികളുടെയും വൈവിധ്യമാർന്ന കലാപരിപാടികൾ ചടങ്ങിന് മിഴിവേകി.
പൂക്കള മത്സരത്തിലും ചിത്രരചനാ മത്സരത്തിലും വിജയിച്ചവർക്കുള്ള സമ്മാനങ്ങൾ വിതരണം ചെയ്തു. വിഭവസമൃദ്ധമായ ഓണസദ്യയും മെഗാ പൂക്കളവും, മാവേലിയും പരിപാടികൾക്ക് തിളക്കമേകി. ഓണാഘോഷ കമ്മിറ്റി കൺവീനർ എൽദോ ചാക്കോ നന്ദി പ്രകാശിപ്പിച്ചു.
- എസ്.എൻ.ഡി.പി യോഗം ഭാണ്ഡൂപ് ശാഖ വാർഷികവും ഓണാഘോഷവും അടുത്ത ഞായറാഴ്ച്ച
- താനെ ജില്ലയിൽ ഇടിയും മിന്നലുമായി കനത്ത മഴ
- ഫ്രറ്റേർണിറ്റി ഓഫ് മലയാളി കത്തോലിക്‌സ് വാർഷികാഘോഷം നടന്നു
- കനൽത്തുരുത്തുകൾ; സ്ത്രീജീവിതത്തിന്റെ വിവിധ ഭാവങ്ങൾ പകർന്നാടിയ നാടകമെന്ന് പ്രശസ്ത എഴുത്തുകാരി മാനസി
- മുംബൈ ഡൽഹി ആഡംബര വിനോദസഞ്ചാര ട്രെയിൻ വീണ്ടും ഓടിത്തുടങ്ങി
