ബോംബെ കേരളീയ സമാജത്തിന്റെ ഓണാഘോഷവും സമാജം മുംബൈയിൽ നിന്നും പ്രസിദ്ധീകരിക്കുന്ന വിശാല കേരളത്തിന്റെ എഴുപത്തഞ്ചാം വാർഷികം പ്രമാണിച്ച് ഏർപ്പെടുത്തിയ സാഹിത്യത്തിലെ സമഗ്ര സംഭാവനക്കുള്ള പുരസ്കാരദാനവും നടന്നു.
മാട്ടുംഗ കച്ചി ലോഹാർവാഡി ഹാളിൽ നടന്ന പ്രൗഢഗംഭീരമായ ചടങ്ങിൽ മുഖ്യാതിഥി വൈസ് അഡ്മിറൽ രാജാറാം സ്വാമിനാഥൻ സാഹിത്യകാരൻ ശ്രീ.പി.ആർ. നാഥന് , പുരസ്കാരം സമ്മാനിച്ചു. വിശാല കേരളം വിശേഷാൽ പ്രതിയും ചടങ്ങിൽ പ്രകാശനം ചെയ്തു.
സമാജത്തിന്റെ ഓണാഘോഷവും വിശാല കേരളം ഡയമണ്ട് ജൂബിലി ആഘോഷങ്ങളും ഒരുമിച്ച് കൊണ്ടാടിയാണ് ചടങ്ങ് സംഘടിപ്പിച്ചത്.
ബോംബെ കേരളീയ സമാജം പ്രസിഡണ്ടും ജനം ടി.വി എം.ഡിയുമായ ഡോ: എസ്.രാജശേഖരൻ നായർ അദ്ധ്യക്ഷത വഹിച്ച ചടങ്ങിൽ പ്രശസ്ത ചലച്ചിത്ര താരം സുധീർ കരമന വിശിഷ്ടാതിഥിയായിരുന്നു സമാജം സെക്രട്ടറി വിനോദ് കുമാർ വി. നായർ സ്വാഗതവും ജോ.സെക്രട്ടറി പത്മ സുന്ദരൻ നന്ദിയും പറഞ്ഞു. ട്രഷറർ ആർ.എൻ . സുരേഷ് കുമാറും,മറ്റു ഭരണ സമിതി അംഗങ്ങൾ,മുൻകാല സമാജ പ്രവർത്തകർ മുതലായവർ സംബന്ധിച്ചു.
സമാജത്തിന്റെ ഡാൻസ് ക്ലാസ്സിലെ കുട്ടികൾ അവതരിപ്പിച്ച കലാപരിപാടികളും, കവിതാ പാരായണം, ഗാനമേള, വനിതാ വിഭാഗം അവതരിപ്പിച്ച കൈകൊട്ടിക്കളി എന്നിവയും ഉണ്ടായിരുന്നു.
മുൻകാല സമാജം ഭാരവാഹികളായ ശ്രീ.പി.സി. ചെറിയാൻ, ശ്രീ.പി.സുകുമാരൻ, ശ്രീ. വി.സുരേന്ദ്ര ബാബു, ശ്രീ. എം.തോമസ് എന്നിവരെ ആദരിച്ചു. ഉന്നത വിജയം നേടിയ കുട്ടികളെയും ആദരിച്ചു.
ജനം ടി.വി.യുടെ പുതിയ എം. ഡി ആയി തിരഞ്ഞെടുക്കപ്പെട്ട സമാജം പ്രസിഡണ്ട് ഡോ: എസ്.രാജശേഖരൻ നായരെ ഭാരത് ഭാരതി ഭാരവാഹികൾ ചടങ്ങിൽ ആദരിച്ചു.
സൗത്ത് ഇന്ത്യൻ ബാങ്ക്, ധനലക്ഷ്മി ബാങ്ക് എന്നീ സ്ഥാപനങ്ങളും വിശിഷ്ടാതിഥികളെ ആദരിച്ചു.
ഓണമുൾപ്പെടെയുള്ള കേരളീയ ആഘോഷങ്ങളും സാംസ്കാരിക ഉത്സവങ്ങളും മലയാളികൾ മറുനാട്ടിൽ ഗംഭീരമായി ആഘോഷിക്കുന്നത് മാതൃകാപരമാണെന്ന് പി.ആർ. നാഥൻ പറഞ്ഞു.
ഗണപതിയും വിശ്വാസ സംരക്ഷണവും മഹാരാഷ്ട്രീയരോടൊത്ത് മലയാളികളും ആഘോഷിക്കണമെന്നും ഗണപതിയുടെ രൂപവും ഭാവവും നമ്മുടെ പൈതൃകത്തിന്റെയും സംസ്കാരത്തിന്റെയും ഉദാത്ത ഭാവങ്ങളുടെ ഉജ്വല പ്രതീകങ്ങളാണെന്നും അദ്ദേഹം പറഞ്ഞു.
- മുംബൈയിൽ ഐഫോൺ 15 വാങ്ങാൻ യുവാക്കളുടെ നീണ്ട നിര
- എസ്.എൻ.ഡി.പി.യോഗം യൂണിയനിലും ശാഖകളിലും മഹാസമാധി ആചരിച്ചു
- ഉല്ലാസനഗർ നായർ സർവ്വീസ് സൊസൈറ്റി ഓണം ആഘോഷിച്ചു
- ഒരിടവേളക്ക് ശേഷം കുടുംബചിത്രം പങ്ക് വച്ച് നവ്യ നായർ
- നടൻ ദേവ് ആനന്ദിന്റെ മുംബൈയിലെ ആഡംബരവസതി 400 കോടിക്ക് വിറ്റു
- കേരള സമാജം സൂറത്തിന്റെ ഓണാഘോഷം
- കൊച്ചു ഗുരുവയൂരപ്പൻ ക്ഷേത്രത്തിന്റെ ശതവാർഷികത്തിന് തുടക്കമായി
- ഉമ്മൻചാണ്ടിയെ അനുസ്മരിച്ചു
- മുംബൈയിൽ മധുവിന്റെ നവതി ആഘോഷത്തിൽ റസൂൽ പൂക്കുട്ടി മുഖ്യാതിഥി
- ബോംബെ കേരളീയ സമാജത്തിൻെറ ഓണാഘോഷവും വിശാല കേരളം സാഹിത്യ പുരസ്കാരദാനവും
- മുംബൈ ലോക്കൽ ട്രെയിനിൽ ചാടി കയറുന്ന വനിതകൾ; വൈറൽ വീഡിയോ ചർച്ചയാകുന്നു
