മുംബൈയിലെ വ്യവസായിയും സാമൂഹിക പ്രവർത്തകനുമായ ലയൺ കുമാരൻ നായരുടെ ആറു പതിറ്റാണ്ട് കാലത്തെ മുംബൈ ജീവിതത്തിലേക്കൊരു തിരിഞ്ഞു നോട്ടമായിരുന്നു ആംചി മുംബൈയുമായി നടത്തിയ സംവാദത്തിൽ പങ്ക് വച്ചത്.
അന്ധേരിയിൽ ഒരു ചെറിയ ടയർ റിപ്പയർ ഷോപ്പിൽ തുടങ്ങിയ ബോംബെ ജീവിതം . കിടക്കാൻ ഒരു വാടകമുറി പോലുമില്ലാതെ വയറു മുറുക്കികെട്ടി വിശപ്പിനെ തോൽപ്പിച്ച അന്നത്തെ നാളുകൾ. അന്നൊക്കെ 28 ഐ ആർ റോഡ് ആയിരുന്നു കുമാരൻ നായരുടെ മേൽവിലാസം. അവിടെ നിന്ന് കുമാരൻ നായർ മുംബൈ എന്ന വിലാസത്തിലേക്കുള്ള ഉയർച്ച ബിസിനസ് മാനേജ്‌മന്റ് ഗുരുക്കന്മാരെ പോലും വിസ്മയിപ്പിക്കുന്ന വളർച്ചയാണ് .
ഇന്ത്യക്കകത്തും പുറത്തുമുള്ള നിരവധി പേരാണ് യൂട്യൂബ്, ഫേസ്ബുക്ക്, ഇൻസ്റ്റാഗ്രാം തുടങ്ങിയ സമൂഹ മാധ്യമങ്ങളിലൂടെ വീഡിയോ കണ്ട് പ്രതികരിച്ചത്. നർമ്മം കലർത്തിയ സംവാദത്തിലൂടെ പങ്ക് വച്ച മുംബൈയിലെ പച്ചയായ ജീവിത യാഥാർഥ്യങ്ങൾക്കിടയിൽ നേരും നെറിവും കൈവിടാതെ പോരാടിയ കഠിനാധ്വാനത്തിന്റെ കഥ പലർക്കും പ്രചോദനമായി. മലയാളി മനോഭാവത്തെ കണക്കിന് പരിഹസിക്കുന്ന പത്തുലുവ പ്രയോഗവും സോഷ്യൽ മീഡിയയിൽ ചർച്ചയായി. നിരവധി പേരാണ് ഫോണിലൂടെയും സന്ദേശങ്ങൾ വഴിയും പ്രതികരിച്ചതെന്ന് അവതാരകൻ ജെ പി തകഴിയും പറയുന്നു. നിരവധി പേരാണ് വാട്ട്സപ്പ്, ടെലിഗ്രാം തുടങ്ങിയ ഗ്രൂപ്പുകളിലും വീഡിയോ പങ്ക് വച്ചിരിക്കുന്നത്
ഇച്ഛാശക്തിയുള്ളവനെ എന്നും ചേർത്തുപിടിച്ചിട്ടുള്ള ബോംബെ നഗരം തന്നെയും തോൽക്കാൻ അനുവദിച്ചില്ലെന്ന് കുമാരൻ നായർ പറയുമ്പോൾ അത്, മുംബൈ എന്ന മഹാനഗരത്തിന്റെ എവിടെയും രേഖപ്പെടുത്താത്ത വിജയമന്ത്രമായി പ്രതിധ്വനിക്കുന്നു.
- മഹാനഗരത്തില്‍ മലയാളത്തനിമയുടെ നൂപുരധ്വനികളുയര്‍ത്തി പശ്ചിമ മേഖല പന്ത്രണ്ടാം മലയാളോത്സവം
- കരിങ്കാളി നാടൻ പാട്ട് മെഗാ ഷോ ഡിസംബർ 2ന് കല്യാണിൽ
- നവിമുംബൈ മെട്രോ ; ഒരാഴ്ചയ്ക്കുള്ളിൽ ഒരു ലക്ഷത്തിലധികം യാത്രക്കാർ
- ബിഎസ്എൻഎൽ ജീവനക്കാരുടെ മനുഷ്യ ചങ്ങല നാളെ
- പരിഭ്രാന്തി പടർത്തി പൻവേലിൽ ഭൂചലനം
- ക്ഷേത്രനഗരിയെ ഭക്തിസാന്ദ്രമാക്കി അയ്യപ്പ മണ്ഡല മഹോത്സവ പൂജ
- മുംബൈയിലെ മണ്ഡല പൂജ മഹോത്സവങ്ങൾ
- പാലക്കാട് നിന്ന് മുംബൈയിലെത്തിയ മലയാളി യുവാവിനെ കാണ്മാനില്ല
- ഏഴുനിലയിലെ അക്ഷരപ്പെരുമ
- സീഗൾ ഇന്റർനാഷണലിന് ഇൻഡോ മിഡിൽ ഈസ്റ്റ് ബിസിനസ് എക്സലൻസ് അവാർഡ്
- സിനിമാസ്വാദകരെ വീണ്ടും ഞെട്ടിച്ച് മമ്മൂട്ടി കമ്പനി (Movie Review)
- ഭാവഗായകനെ കരയിച്ച ഗാനം; അനുഭവം പങ്കിട്ട് സംഗീത സംവിധായകൻ പ്രേംകുമാർ
- ഏകാദശിക്കാറ്റേറ്റ് – നർമ്മ ഭാവന (രാജൻ കിണറ്റിങ്കര)
