കേരളീയ കേന്ദ്ര സംഘടനയും കേരള സാഹിത്യ അക്കാദമിയും സംയുക്തമായി സംഘടിപ്പിച്ചു വരുന്ന മുംബൈ സാഹിത്യോത്സവത്തിന്റെ നാലാമത് എഡിഷന്‍ 2023 ഡിസംബര്‍ രണ്ട് , മൂന്ന് തീയതികളില്‍ നെരുള്‍ വെസ്റ്റിലെ ന്യൂബോംബെ കേരളീയ സമാജം ഹാളില്‍ നടക്കും.
അധികാര ഘടനകളും ആവിഷ്‌ക്കാരവും എന്ന വിഷയത്തില്‍ നടക്കുന്ന സാഹിത്യോത്സവം ഡിസംബര്‍ രണ്ടിന് രാവിലെ പത്തു മണിക്ക് കവി കെ സച്ചിദാനന്ദന്‍ ഉദ്ഘാടനം ചെയ്യും. ഡോ. കെ പി മോഹനന്‍, അശോകന്‍ ചരുവില്‍, പി എന്‍ ഗോപീകൃഷ്ണന്‍, അഷ്ടമൂര്‍ത്തി, കെ. രേഖ തുടങ്ങിയ എഴുത്തുകാര്‍ ഉദ്ഘാടന
സമ്മേളനത്തില്‍ പങ്കെടുക്കും. ശനിയാഴ്ച ഉച്ചകഴിഞ്ഞുള്ള സെഷനുകളില്‍, സ്വാതന്ത്ര്യം എന്ന മൂല്യസങ്കല്പം എന്ന വിഷയത്തില്‍ കവി പി എന്‍ ഗോപീകൃഷ്ണന്‍, സത്യാനന്തര കാലത്തിന്റെ പ്രതിരോധങ്ങള്‍ എന്ന വിഷയത്തില്‍ അശോകന്‍ ചരുവില്‍, സൈബറിടങ്ങളിലെ സ്വാത്രന്ത്യം എന്ന വിഷയത്തില്‍
അഷ്ടമൂര്‍ത്തി എന്നിവര്‍ മുഖ്യപ്രഭാഷണങ്ങള്‍ നടത്തും.
ഡിസംബര്‍ മൂന്നിന് രാവിലെ 10 മുതല്‍ സെഷനുകള്‍ തുടങ്ങും. സര്‍ഗ്ഗാത്മകതയിലെ ലിംഗനീതി എന്ന വിഷയത്തില്‍ കെ രേഖ, അധികാര ഘടനകളില്‍ അടി പതറുന്ന മാധ്യമ ധര്‍മ്മം എന്ന വിഷയത്തില്‍ എം ജി അരുണ്‍ , സമകാലിക മലയാള നാടകവേദിയും അന്യ സംസ്‌കൃതിയും എന്ന വിഷയത്തില്‍ ജോസഫ് നീനാസം, അതിരുകള്‍ക്കപ്പുറം മലയാളം എന്ന
വിഷയത്തില്‍ കണക്കൂര്‍ ആര്‍. സുരേഷ്‌കുമാര്‍ എന്നിവര്‍ മുഖ്യ പ്രഭാഷണങ്ങള്‍ നടത്തും.
മുംബൈ എഴുത്തുകാരുടെ സംയുക്ത കഥാസമാഹാരമായ മഹാനഗരത്തിന്റെ നിറഭേദങ്ങള്‍ എന്ന പുസ്തകം പ്രകാശനം ചെയ്യും.
വൈകിട്ട് അഞ്ചരയ്ക്ക് തുടങ്ങുന്ന സമാപന സമ്മേളനം ഡോ. കെ പി മോഹനന്‍ നയിക്കും. മുംബൈയിലെയും മറ്റിന്ത്യന്‍ നഗരങ്ങളിലെയും മുന്‍നിര എഴുത്തുകാരും മാധ്യമപ്രവര്‍ത്തകരും
സംവാദങ്ങളില്‍ പങ്കുചേരും. രണ്ടു ദിവസങ്ങളിലായി തുറന്ന സംവാദങ്ങളും ചർച്ചകളും നടക്കും.രജിസ്‌ട്രേഷനായി കേരളീയ കേന്ദ്ര സംഘടന ഭാരവാഹികളെയോ 9820063617 , 9920973797 എന്ന നമ്പരുകളിലോ ബന്ധപ്പെടാവുന്നതാണ്.
- മഹാനഗരത്തില്‍ മലയാളത്തനിമയുടെ നൂപുരധ്വനികളുയര്‍ത്തി പശ്ചിമ മേഖല പന്ത്രണ്ടാം മലയാളോത്സവം
- കരിങ്കാളി നാടൻ പാട്ട് മെഗാ ഷോ ഡിസംബർ 2ന് കല്യാണിൽ
- നവിമുംബൈ മെട്രോ ; ഒരാഴ്ചയ്ക്കുള്ളിൽ ഒരു ലക്ഷത്തിലധികം യാത്രക്കാർ
- ബിഎസ്എൻഎൽ ജീവനക്കാരുടെ മനുഷ്യ ചങ്ങല നാളെ
- പരിഭ്രാന്തി പടർത്തി പൻവേലിൽ ഭൂചലനം
- ക്ഷേത്രനഗരിയെ ഭക്തിസാന്ദ്രമാക്കി അയ്യപ്പ മണ്ഡല മഹോത്സവ പൂജ
- മുംബൈയിലെ മണ്ഡല പൂജ മഹോത്സവങ്ങൾ
- പാലക്കാട് നിന്ന് മുംബൈയിലെത്തിയ മലയാളി യുവാവിനെ കാണ്മാനില്ല
- ഏഴുനിലയിലെ അക്ഷരപ്പെരുമ
- സീഗൾ ഇന്റർനാഷണലിന് ഇൻഡോ മിഡിൽ ഈസ്റ്റ് ബിസിനസ് എക്സലൻസ് അവാർഡ്
- സിനിമാസ്വാദകരെ വീണ്ടും ഞെട്ടിച്ച് മമ്മൂട്ടി കമ്പനി (Movie Review)
- ഭാവഗായകനെ കരയിച്ച ഗാനം; അനുഭവം പങ്കിട്ട് സംഗീത സംവിധായകൻ പ്രേംകുമാർ
- ഏകാദശിക്കാറ്റേറ്റ് – നർമ്മ ഭാവന (രാജൻ കിണറ്റിങ്കര)
- മുംബൈയിൽ മലയാളി യുവാവിനെ ഫ്ലാറ്റിൽ മരിച്ച നിലയിൽ കണ്ടെത്തി
