മുംബൈയിൽ മുളുണ്ട് കൂടാതെ ഡോംബിവ്‌ലി, കല്യാൺ എന്നിവടങ്ങളിൽ ഷോറൂമുകളുള്ള വിജിഎൻ ജ്വല്ലേഴ്സ് മാനേജിംഗ് ഡയറക്ടർ വിജി നായരാണ് അറസ്റ്റിലായത്. സാമ്പത്തിക തട്ടിപ്പ് നടത്തിയെന്ന നിക്ഷേപകരുടെ ആരോപണത്തെ തുടർന്നായിരുന്നു നടപടി. താനെയിലെ സാമ്പത്തിക കുറ്റാന്വേഷണ വിഭാഗമാണ് കേസെടുത്തത്. കൂടുതൽ ചോദ്യം ചെയ്യലിനായി ജ്വല്ലറി ഉടമയെ രണ്ടു ദിവസത്തെ കസ്റ്റഡിയിൽ വിട്ടിരിക്കയാണ് കോടതി.
കല്യാൺ നിവാസി ശാലിനി പാട്ടീൽ നൽകിയ പരാതിയിലാണ് സാമ്പത്തിക കുറ്റാന്വേഷണ വിഭാഗം കേസെടുത്തിരിക്കുന്നത്.
ഡിസംബറിന് മുൻപ് നിക്ഷേപകരുടെ പണം ഗഡുക്കളായി തിരികെ കൊടുക്കാമെന്നായിരുന്നു ജ്വല്ലറി ഉടമ നൽകിയ വാഗ്ദാനം. വലിയൊരു വിഭാഗം സ്ത്രീകൾ അടങ്ങുന്ന ആയിരക്കണക്കിന് നിക്ഷേപകരാണ് തങ്ങളുടെ ജീവിത സമ്പാദ്യം മുഴുവൻ സ്ഥാപനത്തിൽ നിക്ഷേപിച്ചിരിക്കുന്നത്. പലരും മക്കളുടെ വിവാഹത്തിനായി സ്വരൂപിച്ച പണം നഷ്ടപ്പെടുമോ എന്ന ആശങ്കയിലാണിപ്പോൾ. നാലു പതിറ്റാണ്ടായി സ്വർണാഭരണ വ്യാപാര രംഗത്ത് പ്രവർത്തിക്കുന്ന വി ജി നായർ ഈ മേഖലയിൽ നേടിയെടുത്ത വിശ്വാസ്യതയാണ് ദിവസക്കൂലിക്കാർ അടങ്ങുന്ന നിക്ഷേപകരെ ആകർഷിച്ച പ്രധാന ഘടകം.
അതെ സമയം മുളുണ്ട്, താനെ, കല്യാൺ, നെരൂൾ, പുണെ തുടങ്ങിയ സ്ഥലങ്ങളിൽ ഷോറൂമുകളുള്ള മറ്റൊരു ജ്വല്ലേഴ്‌സിനെതിരെയും സമാനമായ ആരോപണങ്ങളാണ് ഉയർന്നിരിക്കുന്നത്. പണം നഷ്ടപ്പെട്ട ഇതര ഭാഷക്കാരടങ്ങുന്ന നൂറു കണക്കിന് നിക്ഷേപകരാണ് കഴിഞ്ഞ ദിവസം അടച്ചിട്ട ഷോറൂമുകൾക്ക് മുൻപിൽ തടിച്ചു കൂടിയത്.
- മുംബൈ ടാലെന്റ്സ് ഗ്രാൻഡ് ഫിനാലെ മെയ് 29ന്; ശ്രീധന്യയും അനിൽ മോഹനും സെലിബ്രിറ്റി ജഡ്‌ജുകൾ
- മുംബൈ ടാലെന്റ്സ് ഗ്രാൻഡ് ഫിനാലെ വേദിയിൽ യുവ ഗായിക ദേവികയും
- നോവലിസ്റ്റ് ബാലകൃഷ്ണന്റെ എഴുത്തിന്റെ അര നൂറ്റാണ്ട് ഇന്ന് ആഘോഷിക്കും; മധുപാൽ മുഖ്യാതിഥി
- പൊട്ടിത്തെറിച്ച് മമ്മൂട്ടി; ചോദ്യകർത്താവ് കണ്ടം വഴിയോടി !!
- മുംബൈ ടാലെന്റ്സ് ഗ്രാൻഡ് ഫിനാലെ; അടിപൊളി ഗാനങ്ങളുമായി അക്ഷയ ഗണേഷ് അയ്യർ
- ഒമാനും ഇന്ത്യയും മികച്ച വ്യാപാര പങ്കാളികളെന്ന് ഒമാൻ വാണിജ്യ,വ്യവസായ, നിക്ഷേപ മന്ത്രി
- മുംബൈ ടാലെന്റ്സ് ഗ്രാൻഡ് ഫിനാലെ വേദിയെ ത്രസിപ്പിക്കാൻ അഭിനവ് ഹരീന്ദ്രനാഥും
- കുടുംബ പ്രേക്ഷകരുടെ ഇഷ്ട താരങ്ങളായി അതിഥി ടീച്ചറും ആദി സാറും
- ഗോകുലം ഗ്രൂപ്പ് ഓഫ് കമ്പനീസ് ഡയറക്ടര്‍ ഉമേഷ് മോഹന്‍ അന്തരിച്ചു
