ബോളിവുഡ് താരങ്ങളായ അമിതാഭ് ബച്ചനും അഭിഷേക് ബച്ചനും മുംബൈ ജുഹുവിലെ വത്സ, അമ്മു എന്നീ ബംഗ്ലാവുകളുടെ താഴത്തെ നില 15 വർഷത്തേക്ക് സ്റ്റേറ്റ് ബാങ്ക് ഓഫ് ഇന്ത്യയ്ക്ക് പ്രതിമാസം 18.9 ലക്ഷം രൂപ വാടകയ്ക്ക് നൽകി. 2021 സെപ്റ്റംബർ 28 നാണ് രജിസ്റ്റർ ചെയ്തത്. ഈ സ്ഥലം നേരത്തെ സിറ്റിബാങ്കിനാണ് വാടകക്ക് നൽകിയിരുന്നതെന്ന് ബ്രോക്കർമാർ പറഞ്ഞു.
രണ്ട് ബംഗ്ലാവുകളും ഇപ്പോൾ കുടുംബം താമസിക്കുന്ന ജൽസയുടെ തൊട്ടടുത്താണ് . എസ്ബിഐക്ക് വാടകയ്ക്ക് നൽകിയ വസ്തു 3,150 ചതുരശ്ര അടി വിസ്തീർണ്ണമുള്ളതായി രേഖകൾ കാണിക്കുന്നു.
വാടകയും നിക്ഷേപവും
രേഖ പ്രകാരം, വസ്തുവിന് 18.9 ലക്ഷം രൂപ വാടക നൽകുകയും ഓരോ അഞ്ച് വർഷത്തിലും 25 ശതമാനം വാടക വർദ്ധനവ് സംബന്ധിച്ച ഒരു വ്യവസ്ഥയും ഉൾപ്പെടുത്തിയിട്ടുണ്ട്. അഞ്ച് വർഷത്തിന് ശേഷം വാടക 23.6 ലക്ഷവും 10 വർഷത്തിന് ശേഷം 29.5 ലക്ഷം രൂപയും രേഖകൾ കാണിക്കുന്നു.
12 മാസത്തെ വാടകയ്ക്ക് തുല്യമായ 2.26 കോടി രൂപയുടെ നിക്ഷേപം ഇതിനകം ബാങ്ക് അടച്ചതായും രേഖകൾ വ്യക്തമാക്കുന്നു .
നിരവധി പ്രശസ്തരും വ്യവസായികളുമാണ് ഈ മേഖലയിൽ താമസിക്കുന്നത്.. ഈ സ്ഥലത്തെ വാണിജ്യ വാടക ഒരു ചതുരശ്ര അടിക്ക് 450 രൂപ മുതൽ 650 രൂപ വരെയാണ്. സ്വതന്ത്ര ബംഗ്ലാവുകൾക്ക് 100 മുതൽ 200 കോടി വരെ വിലവരും.
ഈ വർഷം മേയിൽ, അമിതാഭ് ബച്ചൻ 31 കോടി രൂപ വിലമതിക്കുന്ന 5,184 ചതുരശ്ര അടി പ്രോപ്പർട്ടി മുംബൈയിലെ ക്രിസ്റ്റൽ ഗ്രൂപ്പിന്റെ അറ്റ്ലാന്റിസ് എന്ന പദ്ധതിയിൽ നിക്ഷേപിച്ചിരുന്നതായും രജിസ്ട്രേഷൻ രേഖകൾ കാണിക്കുന്നു.
ബച്ചൻ സീനിയർ 2020 ഡിസംബറിൽ വസ്തു വാങ്ങിയെങ്കിലും 2021 ഏപ്രിലിൽ മാത്രമാണ് ഇത് രജിസ്റ്റർ ചെയ്തത്. മാർച്ച് 31 വരെ മഹാരാഷ്ട്ര സർക്കാരിന്റെ 2 ശതമാനം സ്റ്റാമ്പ് ഡ്യൂട്ടി ഇളവ് പ്രയോജനപ്പെടുത്തിയാണ് ബച്ചൻ 62 ലക്ഷം രൂപയുടെ സ്റ്റാമ്പ് ഡ്യൂട്ടി അടച്ചത്
നടൻ അഭിഷേക് ബച്ചൻ മുംബൈയിലെ ഒരു അപ്പാർട്ട്മെന്റ് 45.75 കോടി രൂപയ്ക്ക് വിറ്റതായും രേഖകൾ കാണിക്കുന്നുണ്ട്. കോവിഡ് കാലത്തെ മാന്ദ്യത്തിന് ശേഷം ഉണരുന്ന റിയൽ എസ്റ്റേറ്റ് വിപണിയിൽ ഏറ്റവും മികച്ച നേട്ടമുണ്ടാക്കുന്നത് സെലിബ്രിറ്റികളും ബിസിനസുകാരുമാണ്.
- Student Migration and Demographic Transition: Shaping Kerala’s Future
- 18000 കോടി രൂപയുടെ ആസ്തിയുണ്ടായിരുന്ന കമ്പനി വിറ്റത് വെറും 74 രൂപയ്ക്ക് !! ഇന്ത്യൻ വ്യവസായിയുടെ ഞെട്ടിപ്പിക്കുന്ന തകർച്ച
- പ്രമുഖ കോർപ്പറേറ്റ് നിയമസ്ഥാപനമായ ഇന്ത്യാ ലോ സിൽവർ ജൂബിലിയുടെ നിറവിൽ
- ബോബി ചെമ്മണ്ണൂർ ശനിയാഴ്ച കല്യാണിൽ; മഹാരാഷ്ട്രയിലെ ചെമ്മണ്ണൂർ ക്രെഡിറ്റ്സ് ആൻഡ് ഇൻവെസ്റ്റ്മെൻറ്സ് ലിമിറ്റഡ് ആദ്യ ശാഖയുടെ ഉത്ഘാടനം
- നവി മുംബൈയിലെ അന്താരാഷ്ട്ര വിമാനത്താവളം അടുത്ത വർഷം പ്രവർത്തനക്ഷമമാകും
- വേൾഡ് ഇക്കണോമിക് ഫോറത്തിന്റെ ആദ്യ ദിനം മഹാരാഷ്ട്രയ്ക്ക് 45,900 കോടി രൂപയുടെ നിക്ഷേപം.
- നവി മുംബൈയിൽ 3.81 ലക്ഷം ചതുരശ്ര അടി ഡാറ്റാ സെന്ററുമായി ഗൂഗിൾ
