നടൻ സുനിൽ ഷെട്ടിയുടെ മകൻ അഹാൻ ഷെട്ടിയുടെ തഡപ്പ്’ എന്ന അരങ്ങേറ്റ ചിത്രത്തിന് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. അതിനിടെയാണ് ചിത്രത്തിന്റെ ഷൂട്ടിങ്ങിനിടെ അഹാന്റെ അച്ഛൻ സുനിൽ ഷെട്ടി വികാരാധീനനായ സംഭവം സംവിധായകൻ മിലൻ ലുത്രിയ പങ്ക് വച്ചത്.
യഥാർത്ഥത്തിൽ, അഹാൻ ഷെട്ടി മുസ്സൂറിയിലെ ഒരു സിനിമാ ഹാളിന്റെ ഉടമയായാണ് സിനിമയിൽ അഭിനയിക്കുന്നത്. അത്തരമൊരു സാഹചര്യത്തിൽ, സിനിമയിൽ പ്രദർശിപ്പിക്കാൻ കഴിയുന്ന ഒരു സിനിമാ ഹാൾ നിർമ്മാതാക്കൾക്ക് ആവശ്യമായിരുന്നു. അങ്ങിനെയാണ് ചിത്രത്തിന്റെ പ്രൊഡക്ഷൻ യൂണിറ്റ് മുംബൈയിൽ തന്നെ അനുയോജ്യമായ സ്ഥലം കണ്ടെത്തിയത്.
ചിത്രത്തിന്റെ സംവിധായകൻ മിലൻ ലുത്രിയ പറയുന്നു, ‘ഞങ്ങൾ സിനിമയുടെ ഷൂട്ടിംഗ് തുടങ്ങിയത് മുംബൈയിലെ ആ പഴയ സിനിമാ ഹാളിൽ നിന്നായിരുന്നു. ആദ്യ ദിവസം ആശംസകൾ നേരാനെത്തിയതായിരുന്നു സുനിലും ഭാര്യ മന ഷെട്ടിയും. ഇതിനിടെയാണ് ലൊക്കേഷൻ കണ്ട സുനിൽ പെട്ടെന്ന് വികാരാധീനനായത്. സുനിൽ ഷെട്ടിയുടെ അച്ഛൻ വീരപ്പ ഷെട്ടി ഈ സിനിമാ ഹാളിൽ ഒരു ചെറിയ കാന്റീന് നടത്തിയിരുന്നുവെന്ന കാര്യം തന്നെ മാറ്റി നിർത്തി സുനിൽ ഷെട്ടി പറയുമ്പോൾ തനിക്കും വിശ്വസിക്കാനായില്ല. വളരെ യാദൃശ്ചികമായി ഈ സ്ഥലം തന്നെ തന്റെ മകന്റെ സിനിമയിലേക്കുള്ള അരങ്ങേറ്റ വേദിയായത് നിമിത്തമായി കരുതുന്നുവെന്നാണ് സുനിൽ ഷെട്ടി പറഞ്ഞത്.
ഇത് എങ്ങനെ സംഭവിച്ചുവെന്ന് തനിക്കറിയില്ലെന്നും എന്നാൽ അച്ഛൻ മുകളിൽ നിന്ന് ഇതെല്ലാം വീക്ഷിക്കുന്നുണ്ടാകാമെന്നും സുനിൽ പറഞ്ഞു. എല്ലാ സ്ഥലങ്ങളും വിട്ട് നീ എന്നെ അറിയിക്കാതെ ഷൂട്ടിങ്ങിനായി ഇവിടം തിരഞ്ഞെടുത്തത് ഒരു നിമിത്തമാണെന്നും സുനിൽ തന്നോട് പറഞ്ഞതായി മിലൻ പറഞ്ഞു. കുട്ടിക്കാലത്ത് താൻ വന്നിരുന്നതും ഉച്ചഭക്ഷണം കഴിക്കുന്നതും അച്ഛനെ സഹായിച്ചതുമെല്ലാം ഇവിടെയാണ്. ഇപ്പോഴിതാ തന്റെ മകൻ അഹാൻ ഷെട്ടിയുടെ സിനിമാ ചിത്രീകരണം ഇവിടെ നിന്നു തന്നെ തുടങ്ങുമ്പോൾ അറിയാതെ വികാരാധീനനാകുകയായിരുന്നു ബോളിവുഡിലെ ആക്ഷൻ ഹീറോ
- ‘മലൈക്കോട്ടൈ വാലിബൻ’: റിലീസ് തീയതി പ്രഖ്യാപിച്ച് മോഹൻലാൽ
- മോഹൻലാൽ ചിത്രം നേരിന്റെ ചിത്രീകരണം തുടങ്ങി
- മുംബൈയിലും തരംഗമായി രജനികാന്ത് ചിത്രം ജയിലർ
- ക്രൈം ത്രില്ലർ ഗോഡ് ഫാദറിൽ മമ്മൂട്ടിയും മോഹൻലാലും ഫഹദും!!
- മലയാള സിനിമയിൽ മാറ്റുരക്കാൻ മറ്റൊരു മുംബൈ മലയാളി
- ആരാധകരെ ആവേശത്തിലാക്കി ബോളിവുഡ് സൂപ്പർതാരങ്ങൾ
- ലുങ്കി ഡാൻസുമായി ബോളിവുഡ് താരം സൽമാൻ ഖാനും
- അരങ്ങിലും അണിയറയിലും മലയാളികളുടെ കൈയ്യൊപ്പ് ചാർത്തിയ മറാഠി ചിത്രം ശ്രദ്ധ നേടുന്നു
- ആടുതോമയുടെ രണ്ടാം വരവറിയിച്ച് സ്ഫടികം 4കെ ടീസര്‍.
