ഞായറാഴ്ച രാവിലെ നഗരത്തിലുണ്ടായ വ്യാപകമായ വൈദ്യുതി തകരാറിൽ മുംബൈ, മുംബൈ മെട്രോപൊളിറ്റൻ മേഖലയിലെ ലോക്കൽ ട്രെയിനുകൾ നിർത്തി വച്ചു. ഏകദേശം ഒരു മണിക്കൂർ കഴിഞ്ഞാണ് ട്രെയിൻ ഗതാഗതം പുനഃസ്ഥാപിച്ചത്.
സർവീസുകളെ ബാധിച്ചതിനെത്തുടർന്ന് നിരവധി യാത്രക്കാർ ട്രെയിനുകളിൽ കുടുങ്ങി. പലരും ഇറങ്ങി ട്രാക്കിലൂടെ നടക്കാൻ തുടങ്ങി. ഇന്ന് രാവിലെ ( 2022 ഫെബ്രുവരി 27 ന്), കൽവയിൽ നിന്ന് ട്രോംബെയിലേക്കുള്ള MSETCL ട്രാൻസ്മിഷൻ ലൈനിൽ വൻതോതിലുള്ള വോൾട്ടേജ് ഏറ്റക്കുറച്ചിലുകൾ ഉണ്ടായതിനെ തുടർന്നായിരുന്നു വൈദ്യുതി മുടങ്ങിയത്. ഇത് ഓവർലോഡിൽ ട്രിപ്പിങ്ങിന് കാരണമാകുകയും ദക്ഷിണ മുംബൈയിലെ വൈദ്യുതി വിതരണ സംവിധാനത്തെ ബാധിക്കുകയും ചെയ്തു.
ഒരു മണിക്കൂറോളം നീണ്ടുനിന്ന വൈദ്യുതി മുടക്കത്തിന് ശേഷമാണ് സേവനം പുനഃസ്ഥാപിച്ചത്. ടാറ്റ പവർ പ്ലാന്റിന്റെ സാധാരണ പ്രവർത്തനവും പുനരാരംഭിച്ചതായി അധികൃതർ അറിയിച്ചു.
- ആശയങ്ങളും ആശങ്കളും സംവദിക്കാനുള്ള വേദിയായി നോർക്ക പ്രവാസി സംഗമം
- കെയർ ഫോർ മുംബൈയുടെ കർമ്മ പരിപാടികൾ സമൂഹത്തിന് മാതൃകയെന്ന് പി ശ്രീരാമകൃഷ്ണൻ
- പ്രവാസികൾക്കായി പൊതുവേദിയൊരുക്കി ഫൊക്കാന; മുംബൈ യോഗത്തിൽ പിന്തുണയുമായി കേരളീയ കേന്ദ്ര സംഘടന
- മുംബൈ മലയാള നാടകങ്ങൾക്ക് തനത് ശൈലിയും സംസ്കാരവും വേണമെന്ന് സുരേന്ദ്രബാബു
- മുംബൈയിൽ മീനഭരണി മഹോത്സവത്തിന് പരിസമാപ്തി
