ഷാർജ : UAE യുടെ സാംസ്‌കാരിക തലസ്ഥാനമായ ഷാർജയിൽ “ഷാർജ അൽ ഹിസ്ൻ ഫോർട്ട് ലയൺസ്‌ ക്ലബ്” എന്ന പേരിൽ ഷാർജയിലെ ആദ്യത്തെ ലയൺസ്‌ ക്ലബ് ഇക്കഴിഞ്ഞ ഒക്ടോബർ 15ന് രൂപീകൃതമായി.
സ്പോൺസർ ക്ലബ്ബ്കളായ ദുബായ് ഒയാസിസ്‌ ലയൺസ്‌ ക്ലബ് പ്രസിഡന്റ് -ലയൺ രഞ്ജിത്,ഇറ്റാലിയൻ ക്ലബായ ‘ലുക്കാ ലെ മുറേ ‘ ലയൺസ്‌ ക്ലബ് പ്രസിഡന്റ് -ലയൺ ഫ്രാൻസിസ്കോ കറേഡിയോ, UAE പ്രീമിയർ ലയൺസ്‌ ക്ലബ് പ്രസിഡന്റ് -H. E ലയൺ ഷെയ്ഖ് താരിഖ് അൽ ഖാസിമി, അബ്ദെൽ അസീസ് ശതാഫ്‌ -ഷാർജ ചേംബർ ഓഫ് കോമേഴ്‌സ് അസിസ്റ്റന്റ് ഡയറക്ടർ ജനറൽ, ഇറ്റലിയിലെ മുൻ ലയൺസ്‌ ക്ലബ് ഗവർണ്ണർ-ലയൺ ജോസഫ് ഗുവേര,ലയൺ മേരി ആൻ അബേല-അസോസിയേഷൻ ഓഫ് വേൾഡ് ഫോർട്ടിഫൈഡ് സിറ്റി ക്ലബ്സ് പ്രസിഡന്റ്, ലയൺ സന്തോഷ് കേട്ടേത് -ഗൈഡിങ് ലയൺ,ആസ്റ്റർ ഹോസ്പിറ്റൽ ഡെപ്യൂട്ടി ജനറൽ മാനേജർ സിറാജ് മുസ്തഫ, ലയൺസ്‌ ക്ലബ് റീജിയൻ സോൺ , ഡിസ്ട്രിക്ട് ചെയർപേഴ്സൺസ് , മറ്റു UAE ക്ലബ് പ്രസിഡന്റുമാർ , ഓഫീസ്‌ ഭാരവാഹികൾ , തുടങ്ങിയവർ സന്നിഹിതരായിരുന്നു.
ഷാർജ ചേംബർ ഓഫ് കോമേഴ്‌സ് കോൺഫറൻസ് ഹാളിൽ ഇൻസ്റ്റലേഷൻ ഓഫീസർ ലയൺ അഗസ്റ്റോ ഡി പീറ്ററോ (കോർഡിനേറ്റിംഗ് ലയൺ ഓഫീസർ) സത്യവാചകം ചൊല്ലികൊടുത്തു . തുടർന്ന് ലയൺസ്‌ പിന്നിംഗ് നടത്തുകയും ചെയ്തു. ഷാർജയിലെ പ്രമുഖ വ്യവസായികളും പ്രൊഫഷണലുകളും അടങ്ങുന്ന അംഗങ്ങൾ ലയൺസ്‌ ക്ലബ് ഇന്റർനാഷനലിന്റെ വോളന്റീർ ആയി സത്യപ്രതിജ്ഞയും ചെയ്തു.
ഷാർജ അൽ ഹിസ്ൻ ഫോർട്ട് ലയൺസ്‌ ക്ലബ്, ഇന്ത്യൻ അസോസിയേഷൻ ഷാർജയുടെ സബ് കമ്മിറ്റി ആയ ഷാർജ സ്റ്റുഡന്റസ് ക്ലബുമായി ചേർന്ന് യു എ ഇ യിലെ വിവിധ സ്കൂളുകളിൽ 11,12,13 വയസ്സായ വിദ്യാർത്ഥികളെ പങ്കെടുപ്പിച്ചു ലോക സമാധാനം മുൻനിർത്തി പോസ്റ്റർ മത്സരം നടത്തുകയും, വിജയികൾക്ക് ചടങ്ങിൽ സർട്ടിഫിക്കറ്റ് നൽകി ആദരിക്കുകയും ചെയ്തു .
ലയൺ ജോസഫ് തോമസ് (പ്രസിഡന്റ്), ലയൺ രാജു പയ്യന്നൂർ (സെക്രട്ടറി), ലയൺ മാത്യു ഫിലിപ്പ് (ട്രഷറർ) ആയ ക്ലബ് ഇതിനകം ആസ്റ്റർ ഹോസ്പിറ്റലിന്റെ സഹകരണത്തിൽ വിഷൻ പ്രൊജെക്ട് ന്റെ ഭാഗമായി ഒന്നിലധികം ക്യാറ്ററക്ട് സർജറികൾ സൗജന്യമായി UAE യിൽ ചെയ്തു കൊടുക്കുന്നതി ലേക്കുള്ള ശ്രമത്തിലാണ്. ചടങ്ങിൽ UAE യിലെ പ്രമുഖർ ആശംസാ പ്രസംഗം നടത്തുകയും, ട്രെഷറർ ലയൺ മാത്യു ഫിലിപ്പ് നന്ദി പ്രകാശനവും ചെയ്തു .
- വേൾഡ് ഇക്കണോമിക് ഫോറത്തിന്റെ ആദ്യ ദിനം മഹാരാഷ്ട്രയ്ക്ക് 45,900 കോടി രൂപയുടെ നിക്ഷേപം.
- നവി മുംബൈയിൽ 3.81 ലക്ഷം ചതുരശ്ര അടി ഡാറ്റാ സെന്ററുമായി ഗൂഗിൾ
- ഗൗതം അദാനിയുടെ സമ്പത്ത് കുതിച്ചുയർന്നു; ഫോബ്‌സ് സമ്പന്നരുടെ പട്ടികയിൽ വീണ്ടും മൂന്നാം സ്ഥാനത്ത്
- ഒമാനും ഇന്ത്യയും മികച്ച വ്യാപാര പങ്കാളികളെന്ന് ഒമാൻ വാണിജ്യ,വ്യവസായ, നിക്ഷേപ മന്ത്രി
- മുംബൈ മലയാളിയുടെ ഹെൽത്ത്‌ടെക് സ്റ്റാർട്ടപ്പ് 300 കോടി രൂപ സമാഹരിച്ചു
