മുംബൈയിലെ യുവ പ്രതിഭകളെ അണി നിരത്തി സപ്തസ്വര ഒരുക്കിയ സംഗീത സന്ധ്യ ഹൃദ്യമായി. മുംബൈയിലെ പുതു തലമുറയിലെ സംഗീതവിദ്യാർഥികൾ ഗാനങ്ങൾ ആലപിച്ചും പശ്ചാത്തലമൊരുക്കിയും ശ്രദ്ധ നേടിയപ്പോൾ മുംബൈയിലെ സംഗീതാസ്വാദകർക്ക് നൂതനാനുഭവമായി.
ബോംബെ കേരളീയ സമാജത്തിന്റെ നവതി ആഘോഷങ്ങളുടെ ഭാഗമായാണ് മാട്ടുംഗ മൈസൂർ അസ്സോസിയേഷൻ ഹാളിൽ സംഗീത പരിപാടി സംഘടിപ്പിച്ചത്.
പ്രശസ്ത സംഗീതജ്ഞൻ പ്രേംകുമാറിനെ നേതൃത്വത്തിൽ ശ്രീലക്ഷ്മി, അതിഥി, കൃഷ്ണ, സജിത്ത്, അനിരുദ്ധ്, പ്രജിത്, സിദ്ധാർഥ്‌, അശ്വിൻ എന്നീ യുവ പ്രതിഭകളാണ് അരങ്ങിൽ സംഗീതവിരുന്നൊരുക്കിയത്. പയ്യബ്ര ജയകുമാർ അവതാരകനായിരുന്നു. ഗായകരായ മധു നമ്പ്യാർ, കെ ജെ സെബാസ്റ്റ്യൻ എന്നിവർ നിർവഹിച്ചു.
ഗാന രചയിതാക്കളായ പയ്യബ്ര ജയകുമാർ, നാണപ്പൻ മഞ്ഞപ്ര, ചേപ്പാട് സോമനാഥൻ, മധു നമ്പ്യാർ, കെ എം ഭാസ്കരൻ, അഗസ്റ്റിൻ പൂഞ്ഞൂർ എന്നിവർ രചിച്ച വരികൾക്ക് പ്രേംകുമാറാണ് സംഗീതം നൽകിയിരിക്കുന്നത്.
- മഹാനഗരത്തില്‍ മലയാളത്തനിമയുടെ നൂപുരധ്വനികളുയര്‍ത്തി പശ്ചിമ മേഖല പന്ത്രണ്ടാം മലയാളോത്സവം
- കരിങ്കാളി നാടൻ പാട്ട് മെഗാ ഷോ ഡിസംബർ 2ന് കല്യാണിൽ
- നവിമുംബൈ മെട്രോ ; ഒരാഴ്ചയ്ക്കുള്ളിൽ ഒരു ലക്ഷത്തിലധികം യാത്രക്കാർ
- ബിഎസ്എൻഎൽ ജീവനക്കാരുടെ മനുഷ്യ ചങ്ങല നാളെ
- പരിഭ്രാന്തി പടർത്തി പൻവേലിൽ ഭൂചലനം
