വിദ്യാഭ്യാസ, സാമൂഹിക സേവന മേഖലയിലെ മികച്ച പ്രവർത്തനങ്ങൾ പരിഗണിച്ചുള്ള ‘ആദർശ് ഡോംബിവ്‌ലിക്കർ’പുരസ്കാരത്തിന് മലയാളി സാമൂഹിക പ്രവർത്തകൻ അർഹനായി.
ഡോംബിവ്‌ലി കേരളീയ സമാജം ചെയർമാൻ വർഗീസ് ഡാനിയലാണ് ഈ വർഷം ഈ പുരസ്‌ക്കാരത്തിന് അർഹനായ ഏക മലയാളി.
ഡോംബിവ്‌ലിയിൽ നടന്ന പ്രൗഢ ഗംഭീരമായ ചടങ്ങിൽ പൊതുമാരാമത്തു മന്ത്രി രവീന്ദ്രചവാൻ പുരസ്‌കാരം സമ്മാനിച്ചു. ചടങ്ങിൽ കലാ, സാംസ്കാരിക, സാമൂഹിക രംഗത്ത് പ്രാഗല്‌ഭ്യം തെളിയിച്ച പ്രമുഖ വ്യക്തികളെ ആദരിച്ചു.
പ്രമുഖ സിനിമ, സീരിയൽ നടൻ ശിവാജി സത്തം ചടങ്ങിൽ മുഖ്യാതിഥിയായിരുന്നു. ‘ഡോംബിവ്‌ലിക്കർ -ഏക് സാംസ്‌കൃതിക് പരിവാർ’ എന്ന മാസികയാണ് പരിപാടി സംഘടിപ്പിച്ചത്.
അവാർഡിന് അർഹനായ സമാജം ചെയർമാൻ വർഗീസ് ഡാനിയലിനെയും അക്കാദമിക് എക്സലൻസ് അവാർഡിനായി തിരഞ്ഞെടുത്ത മോഡൽ കോളേജ് അധ്യാപകരായ സന്തോഷ് നാടാർ,ആകാൻഷാ മങ്കേഷ് എന്നിവരെയും ഡോംബിവ്‌ലി കേരളീയ സമാജം ആദരിച്ചു. മെയ് ഒന്നിന് കമ്പൽപാട മോഡൽ കോളേജിൽ വച്ച് നടന്ന ചടങ്ങിൽ സമാജം ഭാരവാഹികളും അംഗങ്ങളും പങ്കെടുത്തു.
- മുംബൈയിൽ മലയാളി പെൺകുട്ടിയെ പീഡിപ്പിച്ച സംഭവത്തിൽ പരാതി നൽകി
- വോട്ടർപട്ടികയിൽ പേരില്ലേ ? പേര് ചേർക്കാനുള്ള അവസാന ദിവസം ഡിസംബർ 9
- ഹിൽഗാർഡൻ അയ്യപ്പ ഭക്ത സംഘം മണ്ഡല പുജ ആഘോഷിച്ചു
- നവി മുംബൈയിൽ 24 മണിക്കൂറിനുള്ളിൽ 6 കുട്ടികളെ കാണാതായി
- കേരള കാത്തലിക് അസോസിയേഷൻ ഡോമ്പിവലിക്ക് പുതിയ നേതൃത്വം
