മുംബൈയിലെ മലയാളി വിദ്യാഭാസ സ്ഥാപനങ്ങളിൽ പ്രമുഖ നിരയിലുള്ള ഡോംബിവ്‌ലി ഹോളി ഏഞ്ചൽസ് സ്കൂളിന് ഇത് തുടർച്ചയായ പത്തൊമ്പതാം വർഷമാണ് CBSE പത്താം ക്ലാസ് പരീക്ഷയിൽ നൂറു മേനിയുടെ വിജയത്തിളക്കം.
97.6 % മാർക്ക് നേടിയ ഭാവിഷ് നായക്ക് ഓജസ് പുരോ എന്നീ വിദ്യാർഥികൾ സ്കൂളിൽ പ്രഥമ സ്ഥാനത്തെത്തിയപ്പോൾ 97% മാർക്ക് നേടി കുനാൽ ഫിരാകെ തൊട്ടു പുറകിലെത്തി. മൊത്തം 143 വിദ്യാർത്ഥികളിൽ 23 പേരാണ് 90 ശതമാനത്തിന് മുകളിൽ മാർക്ക് നേടിയത്. കുട്ടികളുടെ കഠിനാദ്ധ്വാനവും അധ്യാപകരുടെ അർപ്പണ ബോധവും തുടർച്ചയായി മികച്ച വിജയം കൈവരിക്കാൻ സഹായിച്ച ഘടകമെന്ന് ഡയറക്ടർ ഡോ.ഉമ്മൻ ഡേവിഡ് പറഞ്ഞു.
ഹോളി ഏഞ്ചൽസ് സ്കൂളിൽ, CBSE പത്താം ക്ലാസ് പരീക്ഷയിൽ 2023-ലെ ഫലം പുറത്ത് വരുമ്പോൾ നൂറു ശതമാനം വിജയമാണ് വിദ്യാലയം ഈ വർഷവും ഉറപ്പാക്കിയത്. യുവമനസ്സുകളെ വാർത്തെടുക്കുന്നതിനുള്ള വിസ്മയകരമായ യാത്രയാണിതെന്നാണ് പ്രിൻസിപ്പാൾ ബിജോയ് ഉമ്മൻ വിജയികൾക്ക് അഭിനന്ദനം നേർന്ന് കൊണ്ട് തന്റെ ഫേസ്ബുക്കിൽ പങ്ക് വച്ചത്.
ഹോളി ഏഞ്ചൽസ് ജൂനിയർ കോളേജും തുടർച്ചയായി നൂറു ശതമാനം വിജയം നേടിയാണ് വിദ്യാഭ്യാസ രംഗത്ത് ഉന്നത നിലവാരം നില നിർത്തി ട്രിനിറ്റി എഡ്യൂക്കേഷൻ ട്രസ്റ്റിന്റെ കീഴിലുള്ള വിദ്യാലയം മാതൃകയാകുന്നത്.
- കേരള കാത്തലിക് അസോസിയേഷൻ നിർധന വിദ്യാർത്ഥികൾക്ക് സൗജന്യ നോട്ട് ബുക്ക്‌ വിതരണം ചെയ്തു
- നവി മുംബൈയിൽ തിരുപ്പതി ബാലാജി ക്ഷേത്രത്തിന്റെ ശിലാസ്ഥാപനം നടന്നു
- ലോക പരിസ്ഥിതി ദിനത്തിൽ വൃക്ഷത്തൈകൾ നട്ട് വേൾഡ് മലയാളി കൌൺസിൽ
- എസ്.എൻ.ഡി.പി. യോഗം യുണിയൻ ഗിന്നസ് വേൾഡ് റെക്കോർഡ് സർട്ടിഫിക്കറ്റുകൾ വിതരണം ചെയ്തു
- മലയാള സിനിമയിൽ മാറ്റുരക്കാൻ മറ്റൊരു മുംബൈ മലയാളി
