ഡിസംബർ അഞ്ചിനാണ് പുതിയ സഖ്യ സർക്കാരിൻ്റെ സത്യപ്രതിജ്ഞാ ചടങ്ങ് പ്രഖ്യാപിച്ചിരിക്കുന്നത്. ഇപ്പോഴിതാ ചടങ്ങിൽ സത്യപ്രതിജ്ഞ ചെയ്യുന്ന മന്ത്രിമാരുടെ പേരുകൾ പുറത്ത് വന്നിരിക്കുകയാണ്.
സംസ്ഥാനത്ത് മഹായുതിക്ക് വ്യക്തമായ ഭൂരിപക്ഷം ലഭിച്ചെങ്കിലും മുഖ്യമന്ത്രി ആരാകുമെന്നത് ഇപ്പോഴും തീരുമാനമായില്ല. ആഭ്യന്തര മന്ത്രി സ്ഥാനത്തെച്ചൊല്ലിയാണ് പ്രധാന തർക്കം
ദേവേന്ദ്ര ഫഡ്നാവിസിനൊപ്പം ബിജെപിയുടെ 10 മുതൽ 15 വരെ മന്ത്രിമാർ സത്യപ്രതിജ്ഞ ചെയ്യുമെന്നാണ് പ്രവചനം. സത്യപ്രതിജ്ഞ ചെയ്യുന്ന മന്ത്രിമാരിൽ മുതിർന്ന എംഎൽഎമാരും യുവ എംഎൽഎമാരും ഉൾപ്പെടും. ഇതിൽ എംഎൽഎമാരായ ചന്ദ്രശേഖർ ബവൻകുലെ, സുധീർ മുംഗന്തിവാർ, ഗിരീഷ് മഹാജൻ, രവീന്ദ്ര ചവാൻ, രാധാകൃഷ്ണ വിഖേ പാട്ടീൽ, മംഗൾ പ്രഭാത് ലോധ, അതുൽ സേവ്, ആശിഷ് ഷെലാർ, പങ്കജ മുണ്ടെ, ദേവയാനി ഫരാൻഡെ, നിതേഷ് റാണെ, ഗോപിചന്ദ് പദാൽക്കർ, സഞ്ജയ് കുട്ടെ എന്നിവർക്ക് മന്ത്രിസ്ഥാനം ലഭിക്കും. എന്നാൽ, ഈ പേരുകൾ സംബന്ധിച്ച് ഇതുവരെ ഔദ്യോഗിക സ്ഥിരീകരണം നൽകിയിട്ടില്ല.
മുഖ്യമന്ത്രിയുടെ സത്യപ്രതിജ്ഞാ ചടങ്ങ് എപ്പോൾ നടക്കുമെന്നതിൻ്റെ പൂർണ വിവരങ്ങൾ ബിജെപി സംസ്ഥാന അധ്യക്ഷൻ ചന്ദ്രശേഖർ ബവൻകുലെ എക്സിൽ പങ്ക് വച്ചിരുന്നു.
ഏകനാഥ് ഷിൻഡെ ഇന്ന് മുംബൈയിൽ മടങ്ങിയെത്തും. സത്യപ്രതിജ്ഞാ ചടങ്ങിന് മുമ്പ് മഹാസഖ്യത്തിൻ്റെ സുപ്രധാന യോഗം ചേരും. കഴിഞ്ഞ രണ്ട് ദിവസമായി സത്താറയിൽ വിശ്രമിക്കാൻ പോയ ഷിൻഡെ തിരിച്ചെത്തിയ ശേഷം പ്രധാന നേതാക്കളുമായി കൂടിക്കാഴ്ച നടത്തും. ഈ യോഗത്തിൽ ഏക്നാഥ് ഷിൻഡെ സുപ്രധാന തീരുമാനം കൈക്കൊള്ളുമെന്നാണ് കരുതുന്നത്.
മുഖ്യമന്ത്രി സ്ഥാനം ലഭിക്കാത്തതിനാൽ ഏകനാഥ് ഷിൻഡെ ബിജെപിയോട് ആഭ്യന്തര വകുപ്പും, പൊതുമരാമത്ത്, റവന്യൂ അടക്കമുള്ള വകുപ്പുകൾ ആവശ്യപ്പെട്ടിരുന്നുവെന്നാണ് സൂചന. ഷിൻഡെ ഗ്രൂപ്പിന് നൽകാൻ സാധ്യതയുള്ള പട്ടിക പുറത്തു വന്നതിൽ ഈ വകുപ്പുകളുടെ പരാമർശമില്ല. ഷിൻഡെ ഗ്രൂപ്പിന് നിലവിൽ 9 വകുപ്പുകൾ ലഭിക്കും.
നഗരവികസനം , ജലവിതരണം, കൃഷി, വ്യവസായം, ഉന്നത-സാങ്കേതിക വിദ്യാഭ്യാസം, സാമൂഹികനീതി, സ്റ്റേറ്റ് എക്സൈസ് ഡ്യൂട്ടി, പിഡബ്ല്യുഡി, തൊഴിലുറപ്പ് എന്നീ വകുപ്പുകൾ ഷിൻഡെ ഗ്രൂപ്പിന് ലഭിക്കുമെന്ന് പറയപ്പെടുന്നു . ആഭ്യന്തര മന്ത്രാലയവും ഒബിസി മന്ത്രാലയവും ബിജെപി നിലനിർത്തുമെന്നുമാണ് പുറത്ത് വരുന്ന വിവരങ്ങൾ. റവന്യൂ അക്കൗണ്ടും ബിജെപിയിൽ തന്നെ തുടർന്നേക്കും.
ഫഡ്നാവിസിൻ്റെ മന്ത്രിസഭയിൽ അജിത് പവാർ ഗ്രൂപ്പിന് ആധിപത്യം ഉണ്ടാകുമെന്നാണ് അറിയാൻ കഴിഞ്ഞത്. ധനവകുപ്പ് ഉൾപ്പെടെ നിലയിലെ എല്ലാ വകുപ്പുകളും എൻ സി പിക്ക് തുടരാനാകും. സുപ്രധാന വകുപ്പുകൾ അജിത് പവാർ കയ്യടക്കുമെന്നാണ് റിപ്പോർട്ട്.
സ്പീക്കർ പദവിക്കായി ഷിൻഡെ ഗ്രൂപ്പും അജിത് പവാർ ഗ്രൂപ്പും പിടിമുറുക്കിയെങ്കിലും ബിജെപി നിലനിർത്താനാണ് സാധ്യത
- പൂർവ്വ വിദ്യാർത്ഥിയുടെ സാഹസിക പ്രകടനത്തിന് വേദിയൊരുക്കി ഹോളിഏഞ്ചൽസ് (Video)
- കേംബ്രിഡ്ജ് സർവ്വകലാശാലയിൽ ഇനി ഗുരുദേവ ദർശനം ഗവേക്ഷണത്തിന്
- രാവിലെ ഉറങ്ങിയെഴുന്നേറ്റില്ല; അകാലത്തിൽ വിട പറഞ്ഞു സുരേഷ്
- ബെസ്റ്റിയിലെ ഗാനങ്ങൾ പുറത്തിറക്കി; മുംബൈയിൽ നടന്ന ചടങ്ങിൽ ജാവേദ് അലി, അഷ്കർ സൗദാൻ, സാക്ഷി അഗര്വാള് പങ്കെടുത്തു
- മലയാളത്തിലെ പ്രിയ സാഹിത്യകാരനെയും ഗായകനെയും അനുസ്മരിക്കുന്നു
