More
    HomeNewsബോംബെ യോഗക്ഷേമ സഭ സുവർണ്ണ ജൂബിലി നിറവിൽ; വാർഷിക കുടുംബ സംഗമം ശ്രദ്ധേയമായി.

    ബോംബെ യോഗക്ഷേമ സഭ സുവർണ്ണ ജൂബിലി നിറവിൽ; വാർഷിക കുടുംബ സംഗമം ശ്രദ്ധേയമായി.

    Published on

    spot_img

    സുവ്വർണ്ണ ജൂബിലി നിറവിൽ എത്തിനിൽക്കുന്ന ബോംബെ യോഗക്ഷേമ സഭയുടെ വാർഷിക കുടുംബ സംഗമം ജനുവരി 12, ഞായറാഴ്ച, വാഷിയിലെ ശ്രീ ബാലാജി ഹാളിൽ വച്ച് നടത്തപ്പെട്ടു.

    അഷ്ടപദിയോടെ ആരംഭിച്ച ചടങ്ങിൽ സഭയുടെ മുതിർന്ന പ്രവർത്തകർ ചേർന്ന് നിലവിളക്ക് കൊളുത്തി ഉദ്ഘാടനം നിർവ്വഹിച്ചു. സെക്രട്ടറി, സൂരജ് ഞാളൂർ സ്വാഗതമാശംസിച്ചു.

    തുടർന്നു അരങ്ങേറിയ ‘കേളീനളിനം’ ബാലെയിൽ മുംബൈയുടെ വിവിധ ഭാഗങ്ങളിൽ നിന്നായി യോഗക്ഷേമ സഭയുടെ അംഗങ്ങളായ 50 ൽ അധികം കലാകാരന്മാരും കലാകാരികളും പങ്കെടുത്തു. ബാലെയുടെ രചയിതാവായ പരേതനായ കാളാട്ടു പാവേരി ശങ്കരനാരായണനെ ഗീത കപ്പിയൂർ അനുസ്മരിച്ചു. ദേവലോക നർത്തകിമാരായ ഉർവ്വശി, മേനക, രംഭ, തിലോത്തമമാരുടെ കേരളത്തിലേയ്ക്കുള്ള സന്ദർശനവും അവരെ സ്വാഗതം ചെയ്യുന്ന കേരളാംഗനമാരും പശ്ചാത്തലത്തിൽ വന്നുപോകുന്ന വിവിധ നൃത്തരൂപങ്ങളും കേരളത്തിൻ്റെ കലാ-സാംസ്കാരിക വൈവിധ്യത്തെ വിളിച്ചോതുന്നതായി. തുടർന്ന് അരങ്ങേറിയ കുട്ടികളുടേതും മുതിർന്നവരുടേതുമായ വിവിധ കലാപ്രകടങ്ങളും മികച്ച നിലവാരം പുലർത്തി.

    മോഹനൻ ആലയ്ക്കാട്, മുരളി കപ്ലിങ്ങാട്, സതീശൻ പന്താവൂർ എന്നിവരുടെ നേതൃത്വത്തിൽ സഭയുടെ അംഗങ്ങൾ ചേർന്ന് തയ്യാറാക്കിയ വിഭവ സമൃദ്ധമായ സദ്യ രുചിക്കൂട്ടുകളുടെ കലവറയായിരുന്നു.

    ഉച്ചയ്ക്ക് ശേഷം നടന്ന സാംസ്കാരിക സമ്മേളനത്തിൽ പ്രസിഡണ്ട് രാധാകൃഷ്ണൻ മുണ്ടയൂർ (രാജീവ്) അദ്ധ്യക്ഷനായിരുന്നു; ഫെബ്രുവരി 23 ന് ഞായറാഴ്ച ഡോംബിവ്‌ലിയിൽ അരങ്ങേറുന്ന കഥകളിയെക്കുറിച്ച് അദ്ധ്യക്ഷപ്രസംഗത്തിൽ പരാമർശിച്ചു. തുടർന്ന്, സ്വാഗത സംഘം ജനറൽ കൺവീനർ വിജു മരുത്തശ്ശേരിൽ സംസാരിച്ചു. പ്രത്യേക ക്ഷണം സ്വീകരിച്ച് എത്തിച്ചേർന്ന കേരളത്തിൽ നിന്നുൾപ്പെടെയുള്ള മുൻകാല ഭാരവാഹികളെ വേദിയിൽ ആദരിച്ചു. മുരളി കപ്ലിങ്ങാട്, സൂരജ് അക്കരച്ചിറ്റൂർ, സാജൻ മാത്തൂർ, സ്മിത അരയന്നമംഗലം, ഗിരിജ താമരശ്ശേരി എന്നിവർ ആശംസകൾ നേർന്ന് സംസാരിച്ചു. ബിന്ദു പഴയം നന്ദി പ്രകാശിപ്പിച്ചു.

    വാർഷിക സംഗമത്തിൻ്റെ ഭാഗമായി സംഘടിപ്പിച്ച കലാകായിക മത്സരങ്ങളിൽ വിജയികളായവർക്കുള്ള സമ്മാനങ്ങളും പ്രോത്സാഹന സമ്മാനങ്ങളും വേദിയിൽ വച്ച് വിതരണം ചെയ്യപ്പെട്ടു. വാർഷിക സംഗമത്തിൽ പങ്കെടുത്ത കുടുംബാംഗങ്ങൾക്ക് സഭയുടെ സ്നേഹോപഹാരവും സഭയുടെ പ്രസിദ്ധീകരണമായ ‘പ്രവാസ’ത്തിൻ്റെ പുതിയ ലക്കവും വിതരണം ചെയ്തു.

    തിരുവാതിരയാഘോഷത്തിൻ്റെ ഭാഗമായ ഹ്രസ്വമായ ചടങ്ങുകളോടെ വൈകുന്നേരം 6 മണിയോടെ വാർഷിക സംഗമത്തിന് സമാപനമായി

    Latest articles

    പൊന്നാനി എം.ഇ.എസ് കോളേജിലെ ലൈബ്രറിയിലും ഇടം നേടി രാജൻ കിണറ്റിങ്കരയുടെ കവിതാ സമാഹാരം

    രാജൻ കിണറ്റിങ്കര എഴുതി പ്രമുഖ എഴുത്തുകാരൻ  സി. രാധാകൃഷ്ണന്റെ അവതാരികയിൽ  2014 -15 ൽ പ്രസിദ്ധീകരിച്ച "കാലഭേദങ്ങൾ" എന്ന...

    ട്രൂ ഇന്ത്യൻ വാർഷിക ആഘോഷം; ലളിത ധാര ഉത്‌ഘാടനം നിർവഹിച്ചു

    ഡോംബിവ്‌ലി പലാവ സിറ്റി കേന്ദ്രമായി പ്രവർത്തിക്കുന്ന, ഇന്റർനാഷണൽ ഡാൻസ് കൗൺസിൽ ( യുനെസ്കോ ) അംഗത്വമുള്ള ട്രൂ ഇന്ത്യൻ...

    ബോംബെ കേരളീയ സമാജം 59മത് വാർഷിക നടത്ത മത്സരം നടത്തി

    ബോംബെ കേരളീയ സമാജം ഇന്ന് (02.02.2025) മുംബൈയിൽ നടത്ത മത്സരം സംഘടിപ്പിച്ചു. ദാദർ ശിവാജി പാർക്കിൽ രാവിലെ 6-30...

    കേരളീയ കൾച്ചറൽ സൊസൈറ്റിക്ക് പുതിയ ഭാരവാഹികൾ

    കേരളീയ കൾച്ചറൽ സൊസൈറ്റിയുടെ പത്താമത് പൊതുയോഗം നടന്നു. കെ.സി എസ് ഓഫിസ് അങ്കണത്തിൽ നടന്ന യോഗത്തിൽ പുതിയ ഭാരവാഹികളെ...
    spot_img

    More like this

    പൊന്നാനി എം.ഇ.എസ് കോളേജിലെ ലൈബ്രറിയിലും ഇടം നേടി രാജൻ കിണറ്റിങ്കരയുടെ കവിതാ സമാഹാരം

    രാജൻ കിണറ്റിങ്കര എഴുതി പ്രമുഖ എഴുത്തുകാരൻ  സി. രാധാകൃഷ്ണന്റെ അവതാരികയിൽ  2014 -15 ൽ പ്രസിദ്ധീകരിച്ച "കാലഭേദങ്ങൾ" എന്ന...

    ട്രൂ ഇന്ത്യൻ വാർഷിക ആഘോഷം; ലളിത ധാര ഉത്‌ഘാടനം നിർവഹിച്ചു

    ഡോംബിവ്‌ലി പലാവ സിറ്റി കേന്ദ്രമായി പ്രവർത്തിക്കുന്ന, ഇന്റർനാഷണൽ ഡാൻസ് കൗൺസിൽ ( യുനെസ്കോ ) അംഗത്വമുള്ള ട്രൂ ഇന്ത്യൻ...

    ബോംബെ കേരളീയ സമാജം 59മത് വാർഷിക നടത്ത മത്സരം നടത്തി

    ബോംബെ കേരളീയ സമാജം ഇന്ന് (02.02.2025) മുംബൈയിൽ നടത്ത മത്സരം സംഘടിപ്പിച്ചു. ദാദർ ശിവാജി പാർക്കിൽ രാവിലെ 6-30...