ബോംബൈ കേരളീയ സമാജത്തിൻ്റെ നാലാമത് വിവാഹമാംഗല്യമേളയോടൊപ്പം സാങ്കേതികത്തികവോടെപൂർണ്ണമായും ആധുനീവത്ക്കരിച്ച ‘കെട്ടുതാലി’ മാട്രിമോണി വെബ്സൈറ്റിൻ്റെ പ്രസൻ്റേഷനും ഉദ്ഘാടനവും നടന്നു. നവതി മെമ്മോറിയൽ ഹാളിൽ നടന്ന ചടങ്ങിൽ സമാജം ഭാരവാഹികളും മുൻ ഭാരവാഹികളും ചേർന്ന് ഭദ്രദീപം കൊളുത്തി തുടക്കം കുറിച്ചു.
ബോംബെ കേരളീയ സമാജം പ്രസിഡണ്ട് ഡോ .എസ്. രാജശേഖരൻ നായർ ആദ്ധ്യക്ഷം വഹിച്ച പരിപാടിയിൽ സെക്രട്ടറി എ.ആർ.ദേവദാസ് സദസ്സിനെ സ്വാഗതം ചെയ്തു.
ഹരികുമാർ കുറുപ്പ് ( കലാവിഭാഗം കൺവീനർ), സുനിൽ കുമാർ ( വെബ് സൈറ്റ് ക്രിയേറ്റർ) എന്നിവർ സാങ്കേതിക വശങ്ങൾ പരിചയപ്പെടുത്തി സംസാരിച്ചു. മേട്രിമോണി വെബ്സൈറ്റിൽ രജിസ്ട്രേഷൻ, അപ്ഡേഷൻ, സെർച്ചിംഗ് എന്നിവയിലുള്ള സംശയങ്ങൾ വിശദീകരിച്ചു. മുംബൈയുടെ വിവിധ ഭാഗങ്ങളിൽ നിന്ന് മുന്നൂറിലധികം എൻട്രികൾ രജിഷ്ട്രേഷനായി ഉണ്ടായിരുന്നു.
വെബ്സൈറ്റ് – www.bkskettuthali.com കൂടുതൽ വിവരങ്ങൾക്ക് സമാജം ഓഫീസുമായി ബന്ധപ്പെടുക.24024280, 24012366, 8369349828.
