കലാ സാംസ്കാരിക ജീവ കാരുണ്യ പ്രവർത്തനങ്ങളിൽ കഴിഞ്ഞ രണ്ട് പതിറ്റാണ്ടുകളിലേറെ കാലമായി പ്രവർത്തിക്കുന്ന ഖാർഘറിലെ ഏക മലയാളി സംഘടനയായ ഖാർഘർ കേരള സമാജം അതിന്റെ 21-ാംവാർഷികം ഖാർഘർ സെക്ടർ 5 ഉത്സവ് ചൗക്കിനടുത്തുള്ള ശ്രീ ലേവ പാട്ടിദാർ ഹാളിൽ ആഘോഷിച്ചു
ഖാർഘർ സമാജത്തിന്റെചെണ്ട വിദ്യാർത്ഥികളുടെ ചെണ്ടമേളത്തോടെ തുടങ്ങിയ ആഘോഷപരിപാടികൾ രാത്രി 10 മണിവരെ നീണ്ടു. ഗാനാലാപനം, നൃത്യ നൃത്തങ്ങൾ സാംസ്കാരിക സമ്മേളനം, ലഘു നാടകങ്ങൾ എന്നിങ്ങനെ 6 മണിക്കൂർ നീണ്ടുനിന്ന പരിപാടികളിൽ സമാജം സ്നേഹികളായ നൂറുകണക്കിന് ആളുകൾ പങ്കെടുത്തു.
വാർഷികാഘോഷത്തിന്റെ ഭാഗമായി ഒരുക്കിയ ലഘു ഭക്ഷണസ്റ്റാളുകൾ ഒരു ഉത്സവ പ്രതീതിയുണർത്തി.
പൊതു സമ്മേളനത്തിൽ നവി മുംബൈയിലെ മറ്റ് സമാജങ്ങളുടെ നേതാക്കളും ഖാർഘറിനുള്ളിലെ മറ്റു സംഘടനകളുടെ നേതാക്കളും പങ്കെടുത്തു.
