കേരള പ്രദേശ് കോൺഗ്രസ്സ് കമ്മിററി (KPCC) യുടെ പുതിയ പ്രസിഡന്റായി അഡ്വ.സണ്ണി ജോസഫ് നിയോഗിക്കപ്പെട്ടത് പാർട്ടിക്ക് കരുത്തേകുമെന്നും കേരളത്തിൽ ശക്തമായ തിരിച്ചുവരവിന് വഴിയൊരുക്കുന്ന ദിശാബോധത്തോടെയുള്ള പ്രവർത്തനങ്ങൾക്ക് ചുക്കാൻ പിടിക്കാൻ പ്രാപ്തനാണെന്നും മഹാരാഷ്ട്ര പ്രദേശ് കോൺഗ്രസ്സ് കമ്മിറ്റി ജനറൽ സെക്രട്ടറി ജോജോ തോമസ് പറഞ്ഞു.
കേരളത്തിലെ കോൺഗ്രസ്സ് പ്രവർത്തകരെ ഒറ്റക്കെട്ടാക്കി മുന്നോട്ടു നയിക്കുന്നതിനായി അനുഭവ സമ്പന്നനായ നേതാവാണെന്നും ജോജോ തോമസ് കൂട്ടിച്ചേർത്തു.
കഴിഞ്ഞ പാർലമെൻറ്റു തിരഞെടുപ്പു സമയത്ത് മുംബെയിൽ പ്രചരണത്തിനുണ്ടായിരുന്നുവെന്നും 24 കുടുംബ യോഗങ്ങളിൽ പങ്കെടുത്തിരുന്നുവെന്നും ജോജോ പറഞ്ഞു. മതേതര വോട്ടുകളുടെ ഏകീകരണം ലക്ഷ്യമാക്കി സംഘടിപ്പിച്ച പല യോഗങ്ങളിലും പങ്കെടുത്ത് സംസാരിച്ചിരുന്നു.
അഡ്വ. സണ്ണി ജോസഫ് കണ്ണൂർ DCC ജനറൽ സെക്രട്ടറി ആയിരിക്കുന്ന കാലം മുതൽ തുടരുന്ന ബന്ധമാണെന്നും പുതിയ കെ.പി.സി.സി ടീമിൻ്റെ നേതൃത്വത്തിൽ പാർട്ടി ശക്തിപ്പെടുമെന്ന പ്രതീക്ഷയുണ്ടെന്നും ജോജോതോമസ് കൂട്ടിച്ചേർത്തു.
വർക്കിങ്ങ് പ്രസിഡന്റുമാരായി ഷാഫി പറമ്പിൽ എം പി, എംഎൽഎ മാരായ പി.സി. വിഷ്ണുനാഥ് എ.പി അനിൽകുമാർ എന്നിവരെ നിയമിച്ചതും പാർട്ടിക്ക് വലിയ പ്രതീക്ഷയാണ് നൽകുന്നതെന്നും ജോജോ തോമസ് വ്യക്തമാക്കി.
