മറുനാട്ടിൽ ജനിച്ചു വളർന്ന മലയാളി കുട്ടികൾക്ക് മാതൃഭാഷയുടെ സംസ്കാരവും പൈതൃകവും പകർന്നാടുന്നതിന്റെ ഭാഗമായി ഒരുക്കുന്ന മുംബൈ ടാലെന്റ്സ് ടെലിവിഷൻ റിയാലിറ്റി ഷോയുടെ ഓഡിഷൻ മുംബൈയിൽ മൂന്ന് കേന്ദ്രങ്ങളിലായി നടക്കും.
ജൂനിയർ വിഭാഗത്തിനായി രൂപകൽപ്പന ചെയ്ത റിയാലിറ്റി ഷോയിലേക്കുള്ള ഓഡിഷൻ റൗണ്ടിൽ എട്ടു വരി കവിതയും, ഇഷ്ട ഗാനവുമായിരിക്കും അവതരിപ്പിക്കേണ്ടത്. 4 വയസ്സു മുതൽ 9 വയസ്സു വരെയുള്ള കുട്ടികൾക്കായി വിഭാവനം ചെയ്ത ഷോയിൽ നാടൻ പാട്ടിലും മികവ് തെളിയിക്കുന്നതിനായുള്ള അവസരമൊരുക്കും.
പ്രശസ്തരായ ഗായകരും സിനിമാ താരങ്ങളും പ്രകടനങ്ങൾ വിലയിരുത്തും. ഓരോ പ്രകടനത്തിലുടെയും കഴിവു തെളിയിച്ചു ആത്മവിശ്വാസവും അംഗീകാരങ്ങളും നേടിയെടുക്കാവുന്ന റിയാലിറ്റി ഷോ മുംബൈയിലെ കുരുന്നു പ്രതിഭകൾക്ക് ലഭിക്കുന്ന അപൂർവ അവസരമായിരിക്കും. സ്‌കൂൾ അവധിക്കാലം കണക്കിലെടുത്തായിരിക്കും പ്രധാന പരിശീലനങ്ങളും ചിത്രീകരണങ്ങളും ചിട്ടപ്പെടുത്തുക.
ആദ്യ ഓഡിഷൻ 3 കേന്ദ്രങ്ങളിലായി നടക്കും. ചെമ്പൂർ ശ്രീനാരായണ എഡ്യൂക്കേഷൻ കോംപ്ലക്സ് സെമിനാർ ഹാളിൽ ഞായറാഴ്ച ജൂൺ 23 നും ബോറിവ്‌ലി മലയാളി സമാജം വി കെ കൃഷ്ണമേനോൻ സ്‌കൂൾ ഹാളിൽ ജൂലൈ 6നും ഡോംബിവ്‌ലി ഹോളി ഏഞ്ചൽ സ്‌കൂളിൽ ജൂലൈ 7 നും ആദ്യ റൌണ്ട് ഓഡിഷൻ നടക്കും. പങ്കെടുക്കുവാൻ ആഗ്രഹിക്കുന്നവർക്ക് ഓൺലൈനിൽ (www.amchimumbaionline.com) റജിസ്റ്റർ ചെയ്യാം. കൂടുതൽ വിവരങ്ങൾക്ക് – 7021206405 / 8451923616
CONTESTANT CAN SELECT ANY OF THE FOLLOWING CENTRE FOR AUDITION
AUDITON SCHEDULES:
SUNDAY – 23 JUNE 2019 From 4 pm to 6 pm – CHEMBUR
Seminar Hall, Sreenarayana Education Complex, PL Lokhande Marg, Chembur West, Mumbai
SATURDAY – 06 JULY 2019 From 4 pm to 6 pm – BORIVLI
VK Krishna Menon College, 462, Off Gorai Road, New MHB Colony, Borivali West, Mumbai
SUNDAY – 07 JULY 2019 From 4 pm to 6 pm – DOMBIVLI
Holy Angels High School, Behind P & T Colony, Gandhi Nagar, Manpada , Dombivli East
