മുംബൈ ഉപനഗരമായ ഡോംബിവ്‌ലിയിലെ എംഐഡിസി ഫേസ് 2 ലെ ആംബർ കെമിക്കൽ കമ്പനിയിലുണ്ടായ ബോയിലർ സ്ഫോടനത്തിൽ രണ്ടു പേരുടെ മരണം റിപ്പോർട്ട് ചെയ്തു. 45 തൊഴിലാളികൾക്ക് പരിക്കേറ്റു. പരിക്കേറ്റവരെ സമീപത്തുള്ള എയിംസ് ആശുപത്രിയിൽ പ്രവേശിപ്പിച്ചു
ഡോംബിവ്‌ലിയിലെ വ്യാവസായിക മേഖലയിലുണ്ടായത് വലിയ പൊട്ടിത്തെറിയാണെന്നാണ് തൊട്ടടുത്ത് കമ്പനിയുള്ള വർഗീസ് ഡാനിയൽ പറയുന്നത്.
എത്ര ജീവനക്കാർ അകത്ത് കുടുങ്ങി കിടക്കുന്നുണ്ടെന്ന് പറയാൻ കഴിയാത്ത സാഹചര്യമാണെന്നും ഡാനിയൽ പറഞ്ഞു .
സ്‌ഫോടനത്തിൻ്റെ ശബ്ദം 4 കിലോമീറ്റർ ചുറ്റളവിൽ എത്തിയ ശേഷമുണ്ടായ വൻ പുകപടലങ്ങൾ വലിയ പരിഭ്രാന്തിയാണ് പ്രദേശവാസികളിൽ പടർത്തിയത്. .
ഉച്ചയ്ക്ക് രണ്ടു മണിയോടെയാണ് കെമിക്കൽസ് ഫാക്ടറിയിൽ പൊട്ടിത്തെറിയുണ്ടായത്
കെട്ടിടത്തിൽ കുടുങ്ങിയ നിരവധി പേരെ രക്ഷപ്പെടുത്തിയെന്നും ബാക്കിയുള്ളവരെ രക്ഷിക്കാനുള്ള ശ്രമങ്ങളാണ് നടക്കുന്നതെന്നും ഉപമുഖ്യമന്ത്രി ദേവേന്ദ്ര ഫഡ്‌നാവിസ് പറഞ്ഞു.
സുരക്ഷാ വീഴ്ചയെന്നാണ് പ്രാഥമിക നിഗമനം.
