ആധുനിക ഹിന്ദി സിനിമയിലെ പ്രണയഗാനങ്ങളുടെ ആത്മാവായി മാറിയ ഗായകൻ സിനിമകളിലെ പിന്നണി ഗാന രംഗത്ത് നിന്ന് പിന്മാറുന്നുവെന്ന് ഇൻസ്റ്റാഗ്രാമിലൂടെയാണ് തീരുമാനം അറിയിച്ചത്.
ഒരു ദശാബ്ദത്തിലേറെയായി ബോളിവുഡ് പ്രണയത്തിന്റെ ശബ്ദമായി മാറിയ അരിജിത് സിംഗ്, ഈ രംഗത്ത് നിന്ന് പിന്മാറുകയാണെന്ന് പ്രഖ്യാപിച്ചു. ഇൻസ്റ്റാഗ്രാമിൽ പങ്ക് വച്ച പ്രഖ്യാപനം ആരാധകരെ അമ്പരിപ്പിച്ചിരിക്കയാണ്.
‘തും ഹി ഹോ’, ‘ചന്ന മേരിയ’, ‘റാബ്ത’, ‘അഗർ തും സാത്ത് ഹോ’ പോലുള്ള ഗാനങ്ങളിലൂടെ ഒരു തലമുറയുടെ വികാരങ്ങൾക്കു ശബ്ദമായ ഗായകനാണ് അരിജിത്.
റൺബീർ കപൂർ, ആദിത്യ റോയ് കപൂർ തുടങ്ങിയ താരങ്ങളുടെ പ്രണയവും വേദനയും കോപവും
അദ്ദേഹത്തിന്റെ ശബ്ദത്തിലൂടെ തന്നെയാണ് പ്രേക്ഷകർ അനുഭവിച്ചത്.
ആരാധകർക്കുള്ള സന്ദേശത്തിൽ “ഇത് അത്ഭുതകരമായ ഒരു യാത്രയായിരുന്നു” എന്നാണ് ഗായകൻ കുറിച്ചത്. പിന്നണി ഗാനരംഗത്ത് നിന്ന് പിന്മാറുന്നുണ്ടെങ്കിലും സംഗീതം ഉപേക്ഷിക്കുന്നില്ലെന്നും
സ്വതന്ത്ര സൃഷ്ടാവായും ഒരു പഠിതാവായും മുന്നോട്ടുപോകാനാണ് ആഗ്രഹമെന്നും അരിജിത് വ്യക്തമാക്കി.
വ്യവസായ രാഷ്ട്രീയങ്ങളും വിവാദങ്ങളും അതിജീവിച്ചാണ് അരിജിത് തന്റെ സ്ഥാനം നേടിയെടുത്തത്. സംഖ്യകളെയും വൈറൽ ട്രെൻഡുകളെയും മറികടന്ന് കലാപരമായ സ്വാതന്ത്ര്യം തിരികെ പിടിക്കാനുള്ള ഒരു വ്യക്തിപരമായ തീരുമാനമായാണ് ഈ പിന്മാറ്റത്തെ ആരാധകർ കാണുന്നത്.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
