നവി മുംബൈ : സിനിമയെന്ന സ്വപ്നം മനസിൽ സൂക്ഷിച്ച് അവസരത്തിനായി കാത്തിരിക്കുന്ന യുവപ്രതിഭകൾക്ക് വലിയ അവസരമായി മാറുകയാണ് “The Art of Acting” എന്ന അഭിനയ ശിൽപ്പശാല. Actors Factory സംഘടിപ്പിക്കുന്ന ഈ പ്രത്യേക Acting Workshop മുംബൈയിൽ ആദ്യമായാണ് നടക്കുന്നത്. New Bombay Cultural Centre-ന്റെ സഹകരണത്തോടെ മെയ് 21, 22, 23 തീയതികളിൽ കോപർഖൈർനയിലാണ് സിനിമാ ക്യാമ്പ് സംഘടിപ്പിക്കുന്നത്.
അഭിനയത്തിന്റെ അടിസ്ഥാനങ്ങളിൽ നിന്ന് ക്യാമറയ്ക്ക് മുന്നിലെ പ്രകടനരീതികൾ വരെ സമഗ്ര പരിശീലനം നൽകുന്ന രീതിയിലാണ് ശിൽപ്പശാല ഒരുക്കിയിരിക്കുന്നത്. സിനിമ, സീരിയൽ, വെബ്സീരീസ് തുടങ്ങിയ ദൃശ്യ മാധ്യമങ്ങളിലേക്ക് കടക്കാൻ ആഗ്രഹിക്കുന്ന യുവാക്കൾക്കും പുതുമുഖങ്ങൾക്കും പ്രായോഗിക പരിശീലനവും മാർഗനിർദേശവും നൽകുകയാണ് ലക്ഷ്യം.
മലയാള സിനിമയിലെ പ്രശസ്ത തിരക്കഥാകൃത്തും നടനും സംവിധായകനുമായ രഞ്ജി പണിക്കർ മുഖ്യാതിഥിയായി പങ്കെടുക്കുന്ന ശിൽപ്പശാലയിൽ പ്രമുഖ സിനിമാ പ്രവർത്തകരും പരിശീലകരും അനുഭവങ്ങൾ പങ്കുവെക്കും. നടനും ട്രെയ്നറുമായ ശ്രീജിത് രവി, എഴുത്തുകാരനും സംവിധായകനുമായ സന്തോഷ് ഇടുക്കി, പ്രൊഡക്ഷൻ കൺട്രോളർമാരായ നന്ദു പൊതുവാൾ, സേതു അടൂർ എന്നിവർ ക്ലാസുകൾക്കും ഇന്ററാക്ടീവ് സെഷനുകൾക്കും നേതൃത്വം നൽകും.
അഭിനയ പരിശീലനത്തിന് പുറമെ ലഭ്യമാകുന്ന സേവനങ്ങൾ
ക്യാമറ ഫേസിംഗ് പരിശീലനം
ഡയലോഗ് ഡെലിവറി, എക്സ്പ്രഷൻ, ബോഡി ലാംഗ്വേജ് പരിശീലനം
ഓഡിഷൻ ടെക്നിക്കുകൾ പരിചയപ്പെടുത്തൽ
സിനിമാ മേഖലയിൽ പ്രവേശനത്തിന് ആവശ്യമായ മാർഗനിർദേശങ്ങൾ
പ്രമുഖ സിനിമാപ്രവർത്തകരുമായി നേരിട്ടുള്ള സംവാദം
ഭാവിയിലെ സിനിമാ പ്രോജക്ടുകൾക്കായുള്ള ടാലന്റ് ഐഡന്റിഫിക്കേഷൻ അവസരം
പരിശീലനത്തിൽ മികച്ച പ്രകടനം കാഴ്ചവയ്ക്കുന്നവർക്ക് സിനിമാ മേഖലയിൽ തുടർ അവസരങ്ങൾ ലഭിക്കാനിടയുണ്ടെന്നതാണ് ഈ ശിൽപ്പശാലയുടെ പ്രധാന ആകർഷണം. അഭിനയത്തിൽ താൽപ്പര്യമുള്ള പുതുമുഖങ്ങൾക്ക് ആത്മവിശ്വാസം വളർത്താനും ക്യാമറയ്ക്ക് മുന്നിലെ ഭയം മാറ്റാനും ഈ പരിശീലനം സഹായകരമാകും.
മുംബൈയിലെ മലയാളി യുവതലമുറയ്ക്ക് സിനിമാ മേഖലയിലേക്ക് പ്രൊഫഷണൽ രീതിയിൽ കടന്നുവരാൻ സഹായകമാകുന്ന ഒരു വലിയ ചുവടുവയ്പ്പായാണ് പരിപാടിയെ സംഘാടകർ വിശേഷിപ്പിക്കുന്നത്. “ഓരോ പ്രതിഭക്കും ഒരു അവസരം” എന്ന ആശയത്തോടെ സംഘടിപ്പിക്കുന്ന ഈ ക്യാമ്പ്, ഭാവിയിലെ അഭിനേതാക്കളെ കണ്ടെത്താനുള്ള വേദിയായും മാറുമെന്ന് അവർ അറിയിച്ചു.
കൂടുതൽ വിവരങ്ങൾക്ക് :
📞 +91 9207361833
📞 +91 9526096949
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | MAY 9, 2026 SATURDAY 4.30 P.M. | KAIRALI NEWS
