നവി മുംബൈ: സംഗീതാസ്വാദകർക്കായി മനോഹരമായ ഒരു സംഗീതവിരുന്നുമായി ന്യൂ ബോംബെ കൾച്ചറൽ സെന്റർ (റജിസ്റ്റേർഡ്) രംഗത്ത്. “സ്വരരാഗം” എന്ന പേരിൽ സംഘടിപ്പിക്കുന്ന സംഗീതസന്ധ്യ ജൂൺ 28-ന് വൈകിട്ട് 6 മണിക്ക് കോപ്പർഖൈരണെയിലെ ന്യൂ ബോംബെ കൾച്ചറൽ സെന്റർ ഹാളിൽ നടക്കും. മാസം തോറും NBCC സംഘടിപ്പിക്കുന്ന പാട്ടുത്സവത്തിന്റെ ഭാഗമായാണ് ഈ സംഗീതപരിപാടി അരങ്ങേറുന്നത്
സെന്ററിന്റെ സാംസ്കാരിക വിഭാഗം അവതരിപ്പിക്കുന്ന പരിപാടിയിൽ പ്രശസ്ത സംഗീതജ്ഞരും യുവപ്രതിഭകളും അണിനിരക്കും. പ്രശസ്ത ഗായകനും സംഗീതജ്ഞനുമായ മധു നമ്പ്യാർ പരിപാടി ഉദ്ഘാടനം ചെയ്യും. മുഖ്യാതിഥിയായി ചലച്ചിത്ര നടൻ ബാലൻ തൃപ്പൂണിത്തുറ പങ്കെടുക്കും. യുവഗായകൻ സ്വരൂപ് രമേശ് നായർ വിശിഷ്ടാതിഥിയായിരിക്കും.
മലയാള സിനിമാഗാനങ്ങളും മെലഡികളും ഭക്തിഗാനങ്ങളും ഉൾപ്പെടെ വൈവിധ്യമാർന്ന ഗാനങ്ങൾ കോർത്തിണക്കിയ സംഗീതവിരുന്നാണ് സംഘാടകർ ഒരുക്കിയിരിക്കുന്നത്. സംഗീതപ്രേമികൾക്കും കുടുംബങ്ങൾക്കും ഒരുമിച്ച് ആസ്വദിക്കാവുന്ന സായാഹ്നമായിരിക്കും ‘സ്വരരാഗം’ എന്ന് സംഘാടകർ അറിയിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | JUNE 20 2026 SATURDAY 4.30 P.M. | KAIRALI NEWS
