നവി മുംബൈ നാട്യാഞ്ജലി ആർട്ട്സ് ആൻഡ് കൾച്ചറൽ അസോസിയേഷന്റെ പതിമൂന്നാമത് വാർഷികാഘോഷം ശ്രദ്ധേയമായി.
ക്ലാസിക്കൽ നർത്തകനും ചലച്ചിത്ര നടനുമായ വിനീത് കുമാർ ചടങ്ങിൽ മുഖ്യാതിഥിയായിരുന്നു.
കുട്ടികൾ മുതൽ മുതിർന്നവർ വരെ അവതരിപ്പിച്ച വൈവിധ്യമാർന്ന നൃത്തരൂപങ്ങൾ വിസ്മയിപ്പിച്ചുവെന്ന് വിനീത് പറഞ്ഞു.
നൃത്തം വേദിയിൽ ഒതുങ്ങിനിൽക്കുന്ന ഒരു കലാരൂപമല്ലെന്നും, മനുഷ്യന്റെ ദൈനംദിന ജീവിതത്തിലെ ഓരോ ചലനത്തിലും ഭാവപ്രകടനത്തിലും അതിന്റെ സാന്നിധ്യമുണ്ടെന്നും വിനീത് കുമാർ പറഞ്ഞു.
ഓരോ വ്യക്തിയുടെയും ജീവിതത്തിൽ അറിയാതെയും സ്വാഭാവികമായും നൃത്തത്തിന്റെ വിവിധ ഭാവങ്ങൾ പ്രതിഫലിക്കുന്നുണ്ടെന്നും, അതുകൊണ്ടുതന്നെ നൃത്തം മനുഷ്യജീവിതവുമായി അഭേദ്യമായി ബന്ധപ്പെട്ട കലാരൂപമാണെന്നും അദ്ദേഹം കൂട്ടിച്ചേർത്തു.
ഗുരു മഞ്ജുവിന്റെ ശിക്ഷണത്തിൽ വിവിധ പ്രായത്തിലുള്ളവരും വിവിധ ഭാഷാപശ്ചാത്തലങ്ങളിൽ നിന്നുള്ളവരുമായ മുന്നൂറോളം കലാകാരികൾ അവതരിപ്പിച്ച നൃത്താവിഷ്കാരങ്ങൾ പ്രേക്ഷക പ്രീതി നേടി.
ഭാരതനാട്യം ഉൾപ്പെടെ വൈവിധ്യമാർന്ന നൃത്തരൂപങ്ങൾ അരങ്ങിനെ വർണാഭമാക്കി.
സാമൂഹിക, സാംസ്കാരിക രംഗങ്ങളിലെ പ്രമുഖരുടെ സാന്നിധ്യം പരിപാടിക്ക് കൂടുതൽ മാറ്റുകൂട്ടി.
നാട്യാഞ്ജലി പ്രസിഡന്റ് വിനു കെ. കൃഷ്ണ, വൈസ് പ്രസിഡന്റ് ജയസുബ, സെക്രട്ടറി സുനിൽ കുമാർ, ജോയിന്റ് സെക്രട്ടറി രാജേഷ് മേനോൻ, ട്രഷറർ മഞ്ജു എസ്. പിള്ള, ട്രസ്റ്റികളായ രശ്മി പത്മകുമാർ, സുനിത ആർ. മേനോൻ എന്നിവർ പരിപാടിക്ക് നേതൃത്വം നൽകി.
ഡോ. നീരജ ഗോപിനാഥ് ചടങ്ങുകൾ നിയന്ത്രിച്ചു.
Watch AMCHI MUMBAI for the highlights of the event
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
