ലോകസഭാ തിരഞ്ഞെടുപ്പ് പ്രചരണാർത്ഥം കേരളത്തിൽ നിന്നും വിവിധ രാഷ്ട്രീയ പാർട്ടി നേതാക്കൾ മുംബൈയിലും പുനെയിലുമായി നിരവധി യോഗങ്ങളിൽ പങ്കെടുത്തു.
ബി.ജെ.പിയിലെ പ്രമുഖ നേതാക്കളും കഴിഞ്ഞ ദിവസങ്ങളിലായി മുംബൈയിൽ തിരഞ്ഞെടുപ്പ് പ്രചാരണ യോഗങ്ങളിൽ സജീവമാണ്.
ബി.ജെ.പി ദേശീയ എക്‌സിക്യൂട്ടിവ് അംഗം പി.കെ.കൃഷ്ണദാസ് ഡോംബിവിലിയിലെത്തി പ്രദേശത്തെ പ്രമുഖ നേതാക്കളുമായി കൂടിക്കാഴ്ച നടത്തി. തുടർന്ന് ഡോംബിവലി ഈസ്റ്റ് ബിജെപി മണ്ഡൽ ഓഫീസിൽ ചേർന്ന പ്രവർത്തനയോഗത്തിൽ പങ്കെടുത്തു.
ബിജെപി സൗത്ത് ഇന്ത്യൻ സെൽ നേതാവ് മോഹൻ നായർ, ഈസ്റ്റ് മണ്ഡൽ പ്രസിഡൻ്റ് വിഷു പെഡ്‌നേകർ തുടങ്ങിയവരും യോഗത്തിൽ സംസാരിച്ചു.
