മഹാരാഷ്ട്ര ബോർഡ് ഓഫ് സെക്കൻഡറി ആൻഡ് ഹയർ സെക്കൻഡറി എജ്യുക്കേഷൻ (MSBSHSE) എസ്എസ്‌സി അല്ലെങ്കിൽ പത്താം ക്ലാസ് ഫലം പ്രഖ്യാപിച്ചു. മഹാരാഷ്ട്ര ബോർഡ് എസ്എസ്‌സി പരീക്ഷയിൽ മൊത്തം 95.81 ശതമാനം വിദ്യാർത്ഥികൾ വിജയിച്ചു. പെൺകുട്ടികൾ ആൺകുട്ടികളെക്കാൾ മികച്ച പ്രകടനം കാഴ്ചവെച്ചപ്പോൾ കൊങ്കൺ ഡിവിഷൻ വീണ്ടും മികച്ച പ്രകടനം കാഴ്ചവെച്ച ജില്ലാ കിരീടം സ്വന്തമാക്കി.
ഈ വർഷത്തെ എസ് എസ് സി പരീക്ഷാഫലം പുറത്തു വന്നപ്പോൾ മികച്ച വിജയവുമായി നഗരത്തിലെ മലയാളി സ്‌കൂളുകളും തിളങ്ങി.
ഡോംബിവ്‌ലി മോഡൽ ഇംഗ്ലീഷ് സ്കൂൾ
ഡോംബിവ്‌ലി മോഡൽ ഇംഗ്ലീഷ് സ്കൂളിലെ മൊത്തം 400 വിദ്യാർഥികൾ പരീക്ഷയെഴുതിയതിൽ 253 പേർക്ക് ഡിസ്റ്റിംക്ഷനും 131 പേർക്ക് ഫസ്റ്റ് ക്ലാസും 16 പേർക്ക് സെക്കന്റ് ക്‌ളാസും ലഭിച്ചു. 98.8% മാർക്ക് നേടിയ രാജാസ് പ്രശാന്ത് പരബ് സ്കൂൾ ടോപ്പർ ആയപ്പോൾ 98% മാർക്ക് നേടിയ റിയ മനോജ്, 96.40% നേടിയ ആരുഷ് ഭാരത് എന്നിവരും ഉയർന്ന മാർക്ക് നേടി സ്കൂളിന് അഭിമാനമായി.
ഡോംബിവ്‌ലി സെന്റ് തെരേസ കോൺവെന്റ് ഹൈസ്കൂൾ
ഡോംബിവ്‌ലി സെന്റ് തെരേസ കോൺവെന്റ് ഹൈസ്കൂളിന് ഇത് തുടർച്ചയായ പതിനെട്ടാം വർഷമാണ് നൂറു ശതമാനത്തിന്റെ തിളക്കമാർന്ന വിജയം നില നിർത്തുവാനാകുന്നത്. മൊത്തം 171 വിദ്യാർഥികൾ പരീക്ഷയെഴുതിയതിൽ 132 പേർക്ക് ഡിസ്റ്റിംക്ഷനും 38 പേർക്ക് ഫസ്റ്റ് ക്ലാസും ഒരു വിദ്യാർത്ഥിക്ക് സെക്കന്റ് ക്‌ളാസും ലഭിച്ചു. 96.4 % മാർക്ക് നേടി ഹെത് ഡിയോറ ആശിഷ് സ്കൂൾ ടോപ്പർ ആയെന്ന് പ്രിൻസിപ്പാൾ സിസ്റ്റർ ജുവാൻ പറഞ്ഞു.
ശ്രീനാരായണ ഗുരു ഹൈസ്കൂൾ, ചെമ്പൂർ
ശ്രീനാരായണ ഗുരു ഹൈസ്‌കൂളിന്റെ ഇംഗ്ലീഷ് / മറാഠി മീഡിയം സ്‌കൂളുകൾക്ക് എസ് എസ് സി പരീക്ഷയിൽ നൂറു മേനി വിജയം.
ഇംഗ്ലീഷ് മീഡിയത്തിൽ 196 വിദ്യാർത്ഥികൾ പരീക്ഷ എഴുതിയതിൽ 36 ഡിസ്റ്റിംക്ഷനും, ധാരാളം ഫസ്റ്റ് ക്ലാസും ഉൾപ്പെടെ എല്ലാ വിദ്യാർത്ഥികളും ഉന്നത വിജയം കരസ്ഥമാക്കി.
മറാഠി മീഡിയത്തിൽ 37 വിദ്യാർത്ഥികൾ പരീക്ഷ എഴുതിയതിൽ 10 ഡിസ്റ്റിംക്ഷനും, ഫസ്റ്റ് ക്ലാസും ഉൾപ്പെടെ എല്ലാവരും വിജയിച്ചു.
ശ്രീ നാരായണ മന്ദിര സമിതിയുടെ ചെമ്പൂരിലെ വിദ്യാഭ്യാസ സ്ഥാപനത്തിൽ പഠിക്കുന്ന ഭൂരിഭാഗം വിദ്യാർത്ഥികളും സാമ്പത്തികമായി വളരെ പിന്നോക്കം നിൽക്കുന്ന സമീപ പ്രേദേശങ്ങളിലെ ചേരികളിൽ നിന്നും ഉള്ളവരാണ്. ഇത്തരത്തിൽ പിന്നോക്കം നിൽക്കുന്ന കുട്ടികളെ മികച്ച വിദ്യാഭ്യാസം നൽകി മുന്നോട്ടു കൊണ്ടുവരാൻ സമതി പ്രതിജ്ഞബദ്ധരാണ്. ഈ സ്‌കൂളുകളുടെ വൻ വിജയത്തിന്റെ പിന്നിൽ പ്രവർത്തിച്ച എല്ലാ അധ്യാപകർക്കും വിദ്യാർത്ഥികൾക്കും അഭിനന്ദനങ്ങൾ അറിയിക്കുന്നതാണെന്നു ജനറൽ സെക്രട്ടറി ഒ കെ പ്രസാദ് അറിയിച്ചു.
വിദ്യാനികെതൻ ഇംഗ്ലീഷ് സ്കൂൾ, താനെ
താനെ വർത്തക് നഗറിൽ മലയാളികൾ നേതൃത്വം നൽകുന്ന മലനാട് എഡ്യൂക്കേഷണൽ ആൻഡ് വെൽഫെയർ അസ്സോസിയേഷന്റെ(മേവ) ആഭിമുഖ്യത്തിലുള്ള വിദ്യാനികെതൻ ഇംഗ്ലീഷ് സ്കൂളിന് ഇക്കഴിഞ്ഞ എസ് എസ് സി ബോർഡ് പരീക്ഷക്ക് തിളക്കമാർന്ന വിജയം. തുടർച്ചയായ പതിനേഴാം തവണയാണ് മികച്ച വിജയം കരസ്തമാക്കുന്നത്.
പരീക്ഷ എഴുതിയ 105 പേർ മികച്ച മാർക്കോടെ പാസ്സായി. ടോപ്പേഴ്സ് ആയ നാലുപേരും പെൺകുട്ടികളാണ്. നികിത ധർമേന്ദ്രകുമാർ യാദവ് 94%ശതമാനം മാർക്കോടെ സ്കൂളിൽ ടോപ്പർ ആയപ്പോൾ ലക്ഷ്മി രാജ്ബഹാദൂർ ഗുപ്ത 92.80ശതമാനം മാർക്കോടെ രണ്ടാം സ്ഥാനവും 91.20ശതമാനം മാർക്കോടെ പൂജ ശിവപ്രസാദ് യാദവ് മൂന്നാം സ്ഥാനവും, ആൻഷിമനോജ്‌ ഗുപ്ത 91ശതമാനത്തോടെ നാലാം സ്ഥാനവും കരസ്തമാക്കി.
29 ഡസ്റ്റിൻഷനും 54 എ ഗ്രേഡും 16 ബി ഗ്രേഡും, 3 പാസ്സ് ഗ്രേഡും സ്കൂൾ നേടി.താനെയിലെ പ്രമുഖ സാമൂഹ്യ പ്രവർത്തകരായ അഡ്വ രാജ്‌കുമാർ പ്രസിഡന്റ്‌, അഡ്വ ബാലൻ ചെയർമാൻ,ശ്രീകാന്ത് നായർ ജനറൽ സെക്രട്ടറി, എം പി വർഗീസ് ട്രഷറർ, സീനാ മനോജ് ചെയർപേഴ്സൺ അഡ്വ പ്രേമാമേനോൻ സെക്രട്ടറി , ,അഡ്വ രവീന്ദ്രൻ നായർ വൈസ് പ്രസിഡന്റ്‌, കെ മുരളീധരൻ ജോയിൻ ട്രഷറർ, മണികണ്ഠൻ നായർ കമ്മിറ്റി അംഗം എന്നിവർ നേതൃത്വം നൽകുന്ന വിദ്യാനികേതൻ സ്കൂൾ 28വർഷം പൂർത്തിയാക്കി. ചെന്നൈ സ്വദേശിനി ശർമിള സ്റ്റീഫനാണ് സ്ഥാപനത്തിന്റെ പ്രധാന അധ്യാപിക.
വിമ ഇംഗ്ലീഷ് സ്കൂൾ, താനെ
വാഗ്ലെ എസ്റ്റേറ്റ് മലയാളി അസോസിയേഷൻ നടത്തുന്ന വിമ ഇംഗ്ലീഷ് സ്കൂൾ s sc പരീക്ഷയിൽ നുറു ശതമാനം വിജയം കരസ്തമാക്കി. തുടർച്ചയി 13ആം വർഷം ആണ് വിമ നുറു ശതമാനം വിജയം നേടുന്നത്. പരീക്ഷ എഴുതിയ എല്ലാ കുട്ടികളും ഫസ്റ്റ് ക്ലാസ്സിൽ വിജയ്ച്ചു.87.20ശതമാനം നേടിയ ഭാരത് മുങ്രെകാർ ആണ് സ്കൂൾ ടോപ്പർ. ആകെ 30 കുട്ടികൾ പരീക്ഷ എഴുതി.
ചെമ്പുർ ആദർശ വിദ്യാലയം 99.60% വിജയം നേടി
കേരള പീപ്പിൾസ് ഏഡുക്കേഷൻ സൊസൈറ്റിയുടെ കീഴിലുള്ള ചെമ്പൂരിലെ ആദർശ വിദ്യാലയം ഇക്കുറി 99.60 ശതമാനം വിജയം നേടി. 276 വിദ്യാർത്ഥികൾ പരിക്ഷ എഴുതിയതിൽ 275 പേർ പാസായി. ഡിസ്ടിക്ക്ഷൻ 100, ഫസ്റ്റ് ക്ലാസ്സ് 113, സെക്കൻ്റ് ക്ലാസ് 59,
കാബളേ ഗൗരവ് പാണ്ടു ശഗ് 94.20 ശതമാനം മാർക്ക് നേടി സ്കൂൾ ടോപ്പർ ആയി. മലയാളം ഐഛിക വിഷയമായി പരിക്ഷ എഴുതിയ നിവേദിത പി.എസ്സ് ,90 മാർക്ക് നേടി ഒന്നാo സ്ഥാനം കരസ്ഥമാക്കി.അയന, അമൻ, ദീപ്, അതുൾ, മീഹാഷ് എന്നിവരും മലയാളത്തിൽ ഉയർന്ന മാർക്ക് നേടി വിജയിച്ചു
