പാലക്കാട് കുടുംബ സംഗമവും മഹാ ഓണാഘോഷ പരിപാടികളും നടന്നു. നാസിക്കിലെ ഇന്ദിരാ നാഗറിലെ സുദർശൻ ഹാളിൽ പാലക്കാട് നിവാസികൾ അടങ്ങുന്ന നൂറിലധികം കുടുംബങ്ങൾ പങ്കെടുത്തു.
കുടുംബ സംഗമത്തിന്റെ ഉദ്ഘാടനം രവീന്ദ്രൻ നായർ, E. P നാരായണൻ, രാജൻ നായർ, വേണുഗോപാൽ മേനോൻ, ഉണ്ണികൃഷ്ണൻ, ശ്രീകുമാർ നായർ, പ്രദീപ് മേനോൻ എന്നിവർ ചേർന്ന് നിർവഹിച്ചൂ. പ്രദീപ് മേനോൻ സ്വാഗതം ആശംസിച്ചു. ചീഫ് ഗസ്റ്റായി പങ്കെടുത്ത സമ്പത്ത് ഗോപാലനെ ( Rtd. Lt col) ആദരിച്ചു. അപ്പോളോ ഹോസ്പിറ്റലിലെ വിദഗ്താ ഡോക്ടറായ ജിബിൻ തോമസ് കുടുംബ സംഗമത്തെ അഭിസംബോധന ചെയ്തു സംസാരിച്ചു.
വർണ്ണശബളമായ ഓണപ്പൂക്കളം ശിവൻ തഗയത്തും കുടുംബാംഗങ്ങളും ചേർന്നാണ് രൂപകൽപ്പന ചെയ്തത്. വാമനനും മഹാബലിയുമായി ഉണ്ണികണ്ണൻ, ആദിത്യ ശശീന്ദ്രൻ എന്നിവരെത്തി വാദ്യഘോഷങ്ങളുടെ അകമ്പടിയോടെ ഓണാഘോഷത്തിന് തിളക്കമേകി. സന്തോഷ് കുമാർ, സഞ്ജയ്, ശിവൻ തങ്കയത്, രഘു, വിഷ്ണു, വിജയ്, കണ്ണൻ എന്നിവരടങ്ങുന്ന സംഘമാണ് മേളം കൊഴുപ്പിച്ചത്. വിസ്മയയും അഞ്ജലിയും ചടങ്ങുകൾ നിയന്ത്രിച്ചു. തുടർന്ന് വൈവിധ്യമാർന്ന കാലാപരിപാടികൾ അരങ്ങേറി. ശ്രീകുമാർ നായർ കുടുംബ സംഗമത്തെ അഭിസംബോധന ചെയ്തു. രാജൻ നായർ, രാജീവ് കുറപ്പ് എന്നിവർ ഏകോപനം നിർവഹിച്ചു.
