മുംബൈ: ഡിജിറ്റൽ ഉപകരണങ്ങളുടെ അമിത ഉപയോഗം മനുഷ്യന്റെ ഓർമ്മശക്തിയെയും ചിന്താശേഷിയെയും എങ്ങനെ ബാധിക്കുന്നു എന്ന വിഷയത്തെ ആസ്പദമാക്കി മണപ്പുറം ഫൗണ്ടേഷനും മണപ്പുറം ഫിനാൻസ് ലിമിറ്റഡും ചേർന്ന് സംഘടിപ്പിക്കുന്ന “മണപ്പുറം ഡയലോഗ്സ്” മുംബൈയിലെ പ്രമുഖ ഹോട്ടലിൽ നടക്കും.
“ഡിജിറ്റൽ ഡിമെൻഷ്യ – സാങ്കേതികവിദ്യയുടെ മാനസികവും ബൗദ്ധികവുമായ പ്രത്യാഘാതങ്ങൾ” എന്ന വിഷയമാണ് മുംബൈ പതിപ്പിലെ ചർച്ചയുടെ പ്രമേയം. സമൂഹത്തെയും ബിസിനസ് മേഖലയെയും സ്വാധീനിക്കുന്ന പ്രധാന ആശയങ്ങൾ ചർച്ച ചെയ്യുന്നതിനായി വിദഗ്ധരെയും പ്രായോഗിക രംഗത്തെ പ്രമുഖരെയും ഒരുമിച്ച് കൊണ്ടുവരുന്ന ചിന്താവേദിയാണ് മണപ്പുറം ഡയലോഗ്സ്.
വി. പി. നന്ദകുമാർ അധ്യക്ഷനായ ചടങ്ങിൽ എൻ. കെ. പ്രേമചന്ദ്രൻ എം.പി. മുഖ്യാതിഥിയായിരിക്കും. ഡോ. ഹരീഷ് ഷെട്ടി വിശിഷ്ടാതിഥി.
പരിപാടിയിൽ മുഖ്യപ്രഭാഷണം നടത്തുന്നത് ബെംഗളൂരു നിംഹാൻസിലെ (NIMHANS) ക്ലിനിക്കൽ സൈക്കോളജി പ്രൊഫസറും SHUT ക്ലിനിക്കിന്റെ സ്ഥാപകനുമായ ഡോ. മനോജ് കുമാർ ശർമ്മയാണ്. ഡിജിറ്റൽ ഉപകരണങ്ങളുടെ അമിത ഉപയോഗവുമായി ബന്ധപ്പെട്ട അപകടസാധ്യതകൾ, അതിന്റെ മാനസികാരോഗ്യ-ബൗദ്ധികാരോഗ്യ പ്രത്യാഘാതങ്ങൾ, ആരോഗ്യകരമായ ഡിജിറ്റൽ ജീവിതശൈലി രൂപപ്പെടുത്തുന്നതിനുള്ള പ്രായോഗിക മാർഗങ്ങൾ എന്നിവ പ്രഭാഷണത്തിൽ വിശദീകരിക്കും.
പരിപാടിയിൽ മണപ്പുറം ഫിനാൻസ് ലിമിറ്റഡിന്റെ ചെയർമാനും മാനേജിംഗ് ഡയറക്ടറുമായ വി. പി. നന്ദകുമാർ അധ്യക്ഷത വഹിക്കുകയും പ്രസിഡൻഷ്യൽ അഭിസംബോധന നടത്തുകയും ചെയ്യും. അദ്ദേഹം കോഴിക്കോട് ആസ്ഥാനമായ ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റ് (IIM) ചെയർമാനുമാണ്.
ഇന്നത്തെ ഡിജിറ്റൽ യുഗത്തിൽ സ്മാർട്ട്ഫോണുകളുടെയും സോഷ്യൽ മീഡിയയുടെയും സാങ്കേതിക ഉപകരണങ്ങളുടെയും അമിത ആശ്രയം വർധിച്ചുവരുന്ന സാഹചര്യത്തിൽ, അതിന്റെ ദീർഘകാല പ്രത്യാഘാതങ്ങളെക്കുറിച്ചുള്ള അവബോധം വളർത്തുന്നതിനും ആരോഗ്യകരമായ ഡിജിറ്റൽ ജീവിതം പ്രോത്സാഹിപ്പിക്കുന്നതിനുമായി സംഘടിപ്പിക്കുന്ന ഈ പരിപാടി ശ്രദ്ധേയമാകുമെന്ന് സംഘാടകർ അറിയിച്ചു.
സാങ്കേതികവിദ്യയുടെ ഉപയോഗത്തിൽ സന്തുലിതാവസ്ഥ എങ്ങനെ കൈവരിക്കാം എന്ന ചർച്ചകൾക്ക് വഴിയൊരുക്കുന്ന ഈ സായാഹ്നത്തിലേക്ക് സമൂഹത്തിന്റെ വിവിധ മേഖലകളിൽ നിന്നുള്ള ക്ഷണിക്കപ്പെട്ട പ്രമുഖർ പങ്കെടുക്കുമെന്ന് സംഘാടകർ അറിയിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
