ന്യൂ ബോംബെ കൾച്ചറൽ സെന്റർ അക്ബർ ട്രാവൽസിന്റെ സഹകരണത്തോടെ നടത്തുന്ന നാലാമത് മലയാള സിനിമാ അവാർഡ് നിശ ജൂൺ 16 വൈകീട്ട് 5 മണിക്ക് വാശി സിഡ്കോ ഹാളിൽ അരങ്ങേറും.
മലയാള ചലച്ചിത്ര മേഖലയിൽ നിന്നുള്ള ഇരുപതോളം പ്രതിഭകൾക്ക് പുരസ്കാരങ്ങൾ വിതരണം ചെയ്യും.
മികച്ച നടനുള്ള പുരസ്കാരം വിഷ്ണു ഉണ്ണികൃഷ്ണനും ബിബിൻ ജോർജും പങ്കിടും. നിഖിൽ വിമൽ (മികച്ച നടി), സൈജു കുറുപ്പ് (സ്പെഷ്യൽ ജൂറി പുരസ്കാരം), കൂടാതെ റിയാസ് ഖാൻ, മധുപാൽ, രമേശ് പിഷാരഡി, ബിജു നാരായണൻ, നിത്യ മാമൻ, ഇടവേള ബാബു, കുമാരി ദേവ നന്ദന (മാളികപ്പുറം), കുഞ്ഞികൃഷ്ണൻ മാസ്റ്റർ, രഞ്ജിൻ രാജ്, ചിത്ര നായർ, ദേവിക, നന്ദു പൊതുവാൾ തുടങ്ങി ചലച്ചിത്ര മേഖലയിലെ വിവിധ മേഖലകളിൽ പ്രതിഭ തെളിയിച്ചവർക്കാണ് അവാർഡുകൾ കൈമാറുക.
ചാനൽ പരിപാടികളിലൂടെ ശ്രദ്ധേയരായ കലാ പ്രതിഭകൾ അണിനിരക്കുന്ന നൃത്ത സംഗീത ഹാസ്യ വിരുന്ന്, അഷ്ടപതി കളരിസംഘം അവതരിപ്പിക്കുന്ന കളരിപ്പയറ്റ്, കൂടാതെ എൻ ബി സി സി യൂത്ത് വിഭാഗം കാഴ്ചവയ്ക്കുന്ന നൃത്ത പരിപാടികളും അവാർഡ് നിശയെ വർണ്ണാഭമാക്കും.
താരനിശയുടെ സംവിധാനം നിർവഹിക്കുന്നത് മനോജ് മാളവികയാണ്
- സുഗതാഞ്ജലി ആഗോള കാവ്യാലാപന മത്സരം: മുംബൈ ചാപ്റ്റർ ഫലപ്രഖ്യാപനം
- അന്ധേരി മലയാളി സമാജത്തിന്റെ ഓണാഘോഷം സെപ്റ്റംബർ 27ന്; പ്രൊഫ. വി. മധുസൂദനൻ നായർ മുഖ്യാതിഥി
- മുളുണ്ട് കേരള സമാജം ഓണാഘോഷം മുളുണ്ട് എം . എൽ . എ ശ്രീ.മിഹിർ കൊട്ടെച്ച മുഖ്യാതിഥി .
- കുവൈറ്റ് ദുരന്തം: മുംബൈയിൽ സംസ്കരിച്ചതിന്റെ പേരിൽ മലയാളി കുടുംബത്തിന് ധനസഹായം നിഷേധിച്ചതായി പരാതി; ഇടപെട്ട് ജോജോ തോമസ്
- മുംബൈയിൽ കാണാതായ യുവാവിന് ഏഴ് വർഷത്തിന് ശേഷം കുടുംബത്തെ തിരികെ കണ്ടെത്തി.
