കൊളാബ മലയാളി സമാജത്തിന്റെ ഈ വർഷത്തെ ഓണാഘോഷം വിപുലമായ പരിപാടികളോടെ കൊണ്ടാടി.
മുകേഷ് മിൽ അങ്കണത്തിൽ രാവിലെ കുട്ടികളുടെ വൈവിധ്യമാർന്ന കലാകായിക മത്സരങ്ങളോടെ ആഘോഷ പരിപാടികൾക്ക് തുടക്കം കുറിച്ചു.
പ്രസിഡന്റ് എബ്രഹാം ജോണിന്റെ അധ്യക്ഷതയിൽ ചേർന്ന സമ്മേളനം മഹാരാഷ്ട്ര നീയമാസഭ സ്പീക്കർ അഡ്വ. രാഹുൽ നാർവേർക്കർ ഉൽഘാടനം നിർവഹിച്ചു. മക്കരാന്ത് നാർവർക്കർ, അബ്ദുൽ നാസർ, എം കെ നവാസ്, കേണൽ കുറുപ്പ്, പി പി വിജയൻ, അബൂബക്കർ ITL, ചന്ദ്രൻ, മനോജ് എന്നിവർ അതിഥികളായിരുന്നു.
സെക്രട്ടറി എബി എബ്രഹാം സ്വാഗതവും കൺവീനർ ടി വി കെ അബ്ദുള്ള നന്ദിയും പ്രകാശിപ്പിച്ചു, വിദ്യാഭ്യാസ രംഗത്ത് മികവ് പുലർത്തിയവരെ ആദരിച്ചു സമാജം ഫൗണ്ടർ ഭാരവാഹികളായിരുന്ന ജി രാജൻ, സി എം അഹമ്മദ്, എബ്രഹാം ജോൺ, മൊയ്ദു ന്യൂ കാലിക്കറ്റ്, റോയൽ മുഹമ്മദ് മുസ്തഫ, TVK അബ്ദുള്ള, കൃഷ്ണൻകുട്ടി എന്നിവരെയും വിശിഷ്ടാതിഥികളെയും ചടങ്ങിൽ ആദരിച്ചു.
ഓണാഘോഷ വേദിക്ക് സമീപത്തായി വലിയ ക്യാൻവാസിൽ ആർട്ടിസ്റ്റ് യുസഫ് കൊയിലാണ്ടിയുടെ ലൈവ് ചിത്രരചന, സൗജന്യ മെഡിക്കൽ ക്യാമ്പ് എന്നിവയും ഉണ്ടായിരുന്നു.
ഇശൽ ഗ്രൂപ്പിന്റെ സംഗീത വിരുന്ന്, ഡാൻസ്, മിമിക്രി എന്നിവ അരങ്ങേറി, സന്തോഷ് പിള്ള, സൗമ്യ സന്തോഷ്, അബ്ദുള്ള സിംല , ആരിസ് ചെലയിൽ എന്നിവർ നേതൃത്വം നൽകി ഓണസദ്യക്ക് ശേഷം വൈകുന്നേരം അക്ബർ മ്യൂസിക്കൽ നൈറ്റ് അരങ്ങേറി. For more photos of the event, click here >>>
