രണ്ടു വർഷക്കാലം മുംബൈയിൽ കേരള സർക്കാരിന്റെ NORKA Roots ഡെവലപ്മെന്റ് ഓഫീസറായി സേവനമനുഷ്ഠിച്ച റഫീഖിന് യാത്രയയപ്പ് നൽകി. മഹാരാഷ്ട്രയിലെ പ്രവാസി മലയാളികൾക്ക് നോർക്കയുടെ വിവിധ സേവനങ്ങളും സഹായങ്ങളും ലഭ്യമാക്കുന്നതിൽ സജീവമായി പ്രവർത്തിച്ച റഫീഖ് ചുരുങ്ങിയ കാലം കൊണ്ട് മലയാളി മനസ്സുകളിൽ ഇടം നേടിയിരുന്നു.
റഫീഖ് തന്റെ ഔദ്യോഗിക പദവിയിൽ നിന്ന് വിരമിച്ച് നാട്ടിലേക്ക് മടങ്ങുന്നതിനോടനുബന്ധിച്ച് കേരളം കൾച്ചറൽ സൊസൈറ്റിയുടെ ആഭിമുഖ്യത്തിൽ മാർച്ച് 4-ന് വൈകിട്ട് കെ.സി.എസ്. ഓഫീസിൽ യാത്രയയപ്പ് സംഘടിപ്പിച്ച യാത്രയയപ്പ് ചടങ്ങിൽ . കെ.സി.എസ്. ഭാരവാഹികളും അംഗങ്ങളും പങ്കെടുത്തു . പൊന്നാട അണിയിച്ചും ബൊക്കെയും മൊമെന്റോയും നൽകിയാണ് ചടങ്ങിൽ റഫീഖിനെ ആദരിച്ചത്.
അതോടൊപ്പം ഉറൻ ഉപജില്ലാ ആശുപത്രി സുപ്രണ്ടായ ബബാസോ കാലിൽ റഫീഖിന്റെ ന്റെ വസതിയിലെത്തി സ്നേഹാദരം അറിയിച്ചു.
മഹാരാഷ്ട്രയിലെ പ്രവാസി മലയാളികൾക്കായി നിസ്വാർത്ഥമായ പ്രവർത്തനങ്ങളിലൂടെ റഫീഖിന്റെ സേവനങ്ങൾ എന്നും ഓർമ്മിക്കപ്പെടുമെന്ന് ആശംസകൾ നേർന്ന് സംസാരിച്ചവർ അടയാളപ്പെടുത്തി. .
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | FEBRUARY 28, 2026 | 4.30 P.M. | KAIRALI NEWS
