അംബർനാഥ് റോട്ടറി ക്ലബ്ബിൽ സംഘടിപ്പിച്ച “മിസിസ് അംബർനാഥ്” സൗന്ദര്യ മത്സരത്തിൽ മലയാള ചലച്ചിത്ര നടിയും നർത്തകിയുമായ നിമിഷ നായർ വിജയിയായി. അംബർനാഥിലെ റോട്ടറി കമ്മ്യൂണിറ്റി സെന്ററിൽ നടന്ന ഫൈനൽ റൗണ്ടിലാണ് നിമിഷ നായർ ഈ നേട്ടം സ്വന്തമാക്കിയത്.
സിനിമയിലും കലാരംഗത്തും സജീവമായ നിമിഷ നായർ ഇതിനകം അരഡസനോളം മലയാള സിനിമകളിൽ അഭിനയിച്ചിട്ടുണ്ട്. അഭിനയത്തിനൊപ്പം ശാസ്ത്രീയ നൃത്ത രംഗത്തും സജീവമായ നിമിഷ നിരവധി വേദികളിൽ തന്റെ കഴിവ് തെളിയിച്ചിട്ടുള്ള കലാകാരിയാണ്.
21 മുതൽ 40 വയസ് വരെയുള്ള വിഭാഗത്തിലാണ് നിമിഷ നായർ “മിസിസ് അംബർനാഥ്” പട്ടം നേടിയത്. വിവിധ ഘട്ടങ്ങളിലായി നടന്ന മത്സരങ്ങളിൽ വ്യക്തിത്വം, പ്രതിഭ, അവതരണ മികവ് തുടങ്ങിയ മാനദണ്ഡങ്ങൾ അടിസ്ഥാനമാക്കി വിജയിയെ തെരഞ്ഞെടുത്തു.
സമൂഹത്തിലെ വിവിധ മേഖലകളിൽ കഴിവ് തെളിയിച്ച സ്ത്രീകളെ പ്രോത്സാഹിപ്പിക്കുകയാണ് പരിപാടിയുടെ ലക്ഷ്യമെന്ന് സംഘാടകർ അറിയിച്ചു.
മലയാളി കലാകാരിയായ നിമിഷ നായർക്ക് ലഭിച്ച ഈ നേട്ടം മുംബൈയിലെയും പരിസര പ്രദേശങ്ങളിലെയും മലയാളി സമൂഹത്തിനും അഭിമാനമായി.
| മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS #amchimumbai #kairalinews
