നവി മുംബൈയിലെ കൈരളി കോംപ്ലക്സിൽ വനിതാദിനാഘോഷങ്ങളുടെ ഭാഗമായി സംഗീതസന്ധ്യ അരങ്ങേറി. കൈരളി സി.ബി.ഡി വനിതാ വിഭാഗത്തിന്റെ നേതൃത്വത്തിൽ നടന്ന പരിപാടിയിൽ പ്രശസ്ത ഗസൽ ഗായിക സുസ്മിതയുടെ ഗാനവിരുന്ന് കലാസ്വാദകരെ ആകർഷിച്ചു.
സാമൂഹിക-സാംസ്കാരിക പ്രവർത്തനങ്ങളിൽ സജീവ സാന്നിധ്യമായ കൈരളി കോംപ്ലക്സ് വനിതാദിനത്തോടനുബന്ധിച്ച് സംഗീത പരിപാടി സംഘടിപ്പിച്ചു. കൈരളി സി.ബി.ഡി. വനിതാ വിഭാഗത്തിന്റെ നേതൃത്വത്തിൽ നടന്ന ചടങ്ങിൽ പ്രശസ്ത ഗസൽ ഗായിക സുസ്മിത ഗിരീഷ് സംഗീത സായാഹ്നത്തെ സമ്പന്നമാക്കി
ആദ്യമായി മുംബൈയിൽ സംഗീത പരിപാടി അവതരിപ്പിക്കാൻ കഴിഞ്ഞ ത്രില്ലിലാണ് സുസ്മിത. വനിതാ ദിനത്തിൽ ഇങ്ങിനെയൊരു അവസരം കിട്ടിയതിൽ സന്തോഷമുണ്ടെന്നും സുസ്മിത പറഞ്ഞു.
മലയാളം, ഹിന്ദി ഉൾപ്പെടെയുള്ള ഭാഷകളിലെ ജനപ്രിയ ഗാനങ്ങൾ കോർത്തിണക്കിയുള്ള സംഗീതവിരുന്ന് കലാസ്വാദകരെയും കുടുംബങ്ങളെയും ആകർഷിക്കുന്ന തരത്തിലായിരുന്നു ചിട്ടപ്പെടുത്തിയത്
വനിതാദിനാഘോഷങ്ങളുടെ ഭാഗമായി സുസ്മിത അവതരിപ്പിച്ച ഗസൽ സന്ധ്യ എക്കാലത്തും ഓർമ്മയിൽ സൂക്ഷിക്കാവുന്ന മികച്ച സംഗീതാനുഭവമായെന്ന് കൈരളി സി.ബി.ഡി. വനിതാ വിങ് കൺവീനർ ഷീബ കൊമളൻ പറഞ്ഞു
സ്ത്രീകളുടെ സൃഷ്ടിപ്രതിഭക്കും സാമൂഹിക സംഭാവനകൾക്കും ആദരം അർപ്പിക്കുന്ന സംഗീതവും സംവാദവും നിറഞ്ഞ വേദിയായിരുന്നു വനിതാ വിഭാഗം സംഘടിപ്പിച്ച ആഘോഷ പരിപാടി.
വനിതകളുടെ സജീവ പങ്കാളിത്തം ഉറപ്പാക്കിയായിരുന്നു ചടങ്ങ് ഒരുക്കിയിരുന്നത്.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | FEBRUARY 28, 2026 | 4.30 P.M. | KAIRALI NEWS
