സ്ത്രീശക്തീകരണത്തിന്റെ ഒന്നാം ഘട്ടമായി ഡോംബിവ്‌ലി കേരളീയ സമാജം ലൈബ്രറികൾ കേന്ദ്രീകരിച്ച് വനിതകൾക്കായി നടത്തി വന്നിരുന്ന സൗജന്യ തയ്യൽ ക്ലാസുകളുടെ ആദ്യ ബാച്ച് പൂർത്തിയാക്കിയതിന് പിന്നാലെയാണ് സമാജപക്ഷം വിഭാവനം ചെയ്ത സ്ത്രീ ശാക്തീകരണത്തിന്റെ രണ്ടാം ഘട്ടത്തിന് തുടക്കം കുറിക്കുന്നത്
ഡോംബിവ്‌ലി MIDC മേഖലയിലെ വനിതാ അംഗങ്ങളുടെ നേതൃത്വത്തിൽ ആരംഭിക്കുന്ന അമ്മരുചി കാറ്ററിംഗ് യൂണിറ്റിന്റെയും, ഓഫീസിന്റെയും ഉത്ഘാടനം സമാജം ചെയർമാൻ വർഗീസ് ഡാനിയേൽ നിർവഹിച്ചു.
സമാജം പ്രസിഡന്റ്‌ രാധാകൃഷ്ണൻ നായർ, ജനറൽ സെക്രട്ടറി രാജശേഖരൻ നായർ, ജിസി അംഗങ്ങളായ ശ്രീമതി ശ്യാമ നായർ, ഉണ്ണികൃഷ്ണൻ നായർ, വർഗീസ് തോമസ്, സമാജപക്ഷം ഗ്രൂപ്പ്‌ ജനറൽ കൺവീനർ ഇ പി വാസു, വർക്കിംഗ്‌ കൺവീനർ സി എച്ച് ബാലകുറുപ്പ് കൂടാതെ പ്രദേശത്തെ സമാജം അംഗങ്ങളും ചടങ്ങിൽ പങ്കെടുത്തു.
അമ്മരുചിയ്ക്ക് എല്ലാ വിധ ആശംസകളും നേരുന്നു. എല്ലാ സമാജം അംഗങ്ങളുടെ പിന്തുണയും ഇവർക്ക് ഉണ്ടാവണം എന്നും അഭ്യർത്ഥിക്കുന്നു
മറ്റ് മേഖലകളിലും ഇത്തരം വനിതാ സംരംഭങ്ങൾക്കായുള്ള പരിശ്രമങ്ങൾ നടത്തി വരികയാണെന്ന് സമാജം ഭാരവാഹികൾ അറിയിച്ചു.
