പ്രശസ്ത മലയാളി ചിത്രകാരൻ പടുതോൾ വാസുദേവന്റെ സോളോ എക്സിബിഷൻ ‘Voyage’ മുംബൈയിലെ ഐകോണിക് കേന്ദ്രമായ ജഹാംഗീർ ആർട്ട് ഗാലറിയിൽ ഡിസംബർ 8 മുതൽ 14 വരെ നടക്കും. ഡിസംബർ 8-ന് വൈകിട്ട് 4 മണിക്ക് ചിത്രപ്രദർശനത്തിന് തിരി തെളിയും.
1980-കളിൽ തിരുവനന്തപുരം കോളേജ് ഓഫ് ഫൈൻ ആർട്സിൽ പഠിക്കവെ ജർമൻ നിയോ-എക്സ്പ്രഷനിസം, മെക്സിക്കൻ സോഷ്യൽ റിയലിസം തുടങ്ങിയ ശക്തമായ കലാപ്രവാഹങ്ങൾ നിലനിന്നിരുന്നപ്പോഴും കാൻഡിൻസ്കിയുടെ ആബ്സ്ട്രാക്റ്റ് ആശയങ്ങളും ആത്മീയ ജ്യാമിതിയും പടുതോൾ വാസുദേവന്റെ കലാസൃഷ്ടികളിൽ ഏറെ സ്വാധീനം ചെലുത്തിയിരുന്നു.
മനുഷ്യനും പ്രകൃതിയുമുള്ള ബന്ധവും, ഓർമ്മയും കൽപ്പനയും കൂടിച്ചേരുന്ന അതിരങ്ങളുമാണ് പടുതോൾ ചിത്രങ്ങളിൽ പ്രതിഫലിക്കുന്നത്. ‘Voyage’ വാസുദേവന്റെ കലാഭാഷയുടെ പുനർജന്മമായി, പ്രേക്ഷകർക്ക് ആത്മാന്വേഷണത്തിന്റെ ദൃശ്യാനുഭവം പകർന്ന് നൽകുമെന്ന് ചിത്രകാരനും അധ്യാപകനുമായ മുരളി എ എം പറഞ്ഞു.
ഒരു നീണ്ട ഇടവേളയ്ക്ക് ശേഷം ഒരുക്കുന്ന ഈ ചിത്ര പ്രദർശനം ഒരു തിരിച്ചുവരവല്ല മറിച്ച് ഉൾയാത്രയുടെ തുടർച്ചയാണ്
ഇതാദ്യമായാണ് അധ്യാപകൻ കൂടിയായ പടുതോൾ വാസുദേവന്റെ സോളോ ചിത്ര പ്രദർശനത്തിന് മുംബൈ വേദിയാകുന്നത്.
