ഭർത്താവിന്റെ മരണശേഷം സാമ്പത്തികമായി വിഷമത്തിലായ മുളുണ്ട് വൈശാലി നഗറിലെ മോളി പണിക്കർക്കും കുടുംബത്തിനും സഹായ ഹസ്തവുമയാണ് ഇപ്രാവശ്യം മുളുണ്ട് കേരള സമാജം രംഗത്തു വന്നിരിക്കുന്നത്.
ഈ കുടുംബത്തിന്റെ ശോചനീയാവസ്ഥ അറിഞ്ഞ ഉടൻ പ്രസിഡന്റ് ടി. കെ. രാജേന്ദ്രബാബുവിന്റെയും ട്രഷറർ മുരളിധരന്റെയും നിർദ്ദേശപ്രകാരം സമാജം മാനേജിങ് കമ്മിറ്റി അംഗങ്ങളായ ടി. കെ. ബാലചന്ദ്രൻ, സുജാത നായർ എന്നിവർ മോളി പണിക്കരുടെ മുളുണ്ട് വൈശാലി നഗറിലുള്ള വീട് സന്ദർശിക്കുകയും അവരുടെ ആവശ്യങ്ങൾ മനസ്സിലാക്കി അടിയന്തിര സഹായമായി ഒരു മാസത്തേക്കുള്ള അരിയും പല വ്യഞ്ജങ്ങളും ജനറൽ സെക്രട്ടറി ബി. കെ. കെ. കണ്ണൻ, ഉമ്മൻ മൈക്കിൾ എന്നിവർ ചേർന്ന് നേരിട്ട് കൈമാറി.
കഴിഞ്ഞ ഒക്ടോബർ മാസത്തിൽ അധികാരത്തിലേറ്റ പുതിയ കമ്മിറ്റിയുടെ റോഡ് മാപ്പ് പ്രകാരം ജീവകാരുണ്യ പ്രവർത്തനങ്ങൾക്ക് പ്രാധാന്യം നൽകിയുള്ള പദ്ധതികളാണ് സമാജം ഈ വർഷം ആവിഷ്ക്കരിച്ചിട്ടുള്ളതെന്ന് സെക്രട്ടറി ഇടശ്ശേരി രാമചന്ദ്രൻ അറിയിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
