അന്താരാഷ്ട്ര വനിതാദിനാഘോഷത്തോടനുബന്ധിച്ച് മഹാരാഷ്ട്രയിലെ മലയാളികൾക്കായി ഫെയ്മ (Federation of All India Marunadan Malayalee Associations) മഹാരാഷ്ട്ര സംസ്ഥാന കമ്മിറ്റിയും തൈറോകെയർ ടെക്നോളജീസും (Thyrocare Technologies Limited) സംയുക്തമായി സൗജന്യ തൈറോയ്ഡ് പരിശോധന ക്യാമ്പ് സംഘടിപ്പിക്കുന്നു. സംസ്ഥാനത്തെ 36 ജില്ലാ കേന്ദ്രങ്ങളിലായാണ് ഈ ആരോഗ്യ ബോധവത്കരണ പരിപാടിയും പരിശോധനയും നടക്കുന്നത്.
ക്യാമ്പ് വിവരങ്ങൾ:
കാലയളവ്: 2026 മാർച്ച് 5 മുതൽ ഏപ്രിൽ 15 വരെ.
പരിശോധനകൾ: T3, T4, TSH (തൈറോയ്ഡ് പ്രൊഫൈൽ).
ആനുകൂല്യം: മഹാരാഷ്ട്രയിലെ മുഴുവൻ മലയാളികൾക്കും പരിശോധന തികച്ചും സൗജന്യമാണ്.
പ്രത്യേക സൗകര്യം: മുംബൈ, പൂനെ തുടങ്ങിയ മെട്രോ നഗരങ്ങളിൽ താമസിക്കുന്നവർക്ക് രക്തസാമ്പിളുകൾ വീട്ടിലെത്തി ശേഖരിക്കാനുള്ള (Home Collection) സൗകര്യവും ഒരുക്കിയിട്ടുണ്ട്.
ഫെയ്മ മഹാരാഷ്ട്രയുടെ എല്ലാ സോണൽ കമ്മിറ്റികളുടെയും നേതൃത്വത്തിൽ, അതത് പ്രദേശങ്ങളിലെ മലയാളി സംഘടനകളുമായി സഹകരിച്ചാണ് ക്യാമ്പുകൾ ഏകോപിപ്പിക്കുന്നത്. ഓരോ പ്രദേശത്തെയും ക്യാമ്പ് തീയതിയും സ്ഥലവും ഉടൻ അറിയിക്കുമെന്ന് സംസ്ഥാന കമ്മിറ്റി അറിയിച്ചു.
“നിങ്ങളുടെ ആരോഗ്യം — ഞങ്ങളുടെ പരിചരണം” എന്ന സന്ദേശമുയർത്തി നടത്തുന്ന ഈ ബൃഹത്തായ ആരോഗ്യ പരിപാടി പരമാവധി ആളുകൾ പ്രയോജനപ്പെടുത്തണമെന്ന് സംഘാടകർ അഭ്യർത്ഥിച്ചു.
രജിസ്ട്രേഷനും വിവരങ്ങൾക്കും താഴെ പറയുന്നവരുമായി ബന്ധപ്പെടുക:
ഷൈൻ പാലമൂട്ടിൽ (ചെയർമാൻ, ഫെയ്മ മഹാരാഷ്ട്ര വെൽഫെയർ സെൽ): 94221 81409, ജോൺസൺ കെ. വി (കൺവീനർ, ഫെയ്മ മഹാരാഷ്ട്ര വെൽഫെയർ സെൽ): 95610 73020
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
