മലയാള ഭാഷാ പ്രചാരണ സംഘം, നവി മുംബൈ മേഖലയുടെ മലയാളോത്സവത്തിന്റെ സമാപന സമ്മേളനവും വിജയികൾക്ക് പുരസ്കാര വിതരണവും മാർച്ച് ഒന്നിന് സിബിഡിയിലെ കൈരളി ഹാളിൽ നടന്നു. വൈകിട്ട് 5.30ന് ആരംഭിച്ച സമാപന സമ്മേളനം കവയിത്രി സന്ധ്യ പലേരി ഉദ്ഘാടനം ചെയ്തു.
മേഖല കൺവീനർ രമ എസ്. നാഥ് പരിപാടിക്ക് തുടക്കം കുറിച്ചു. തുടർന്ന് സിനിമാഗാനങ്ങൾ, കവിതാപാരായണം, നൃത്തപരിപാടികൾ എന്നിവ അരങ്ങേറി.
സമാപന സമ്മേളനത്തിന് മിനി അനിൽപ്രകാശ് അധ്യക്ഷത വഹിച്ചു. മേഖല സെക്രട്ടറി സ്വാഗതം ആശംസിച്ചു. കൈരളി ബേലാപ്പൂർ ട്രഷററും സാമൂഹ്യ പ്രവർത്തകനുമായ ബിനു പാപ്പച്ചൻ, ലോക കേരള സഭാംഗം ലതിക ശ്രീഭദ്രൻ എന്നിവർ ആശംസകൾ നേർന്ന് സംസാരിച്ചു.
കേരളീയ കേന്ദ്ര സംഘടന പ്രസിഡന്റ് ടി. എൻ. ഹരിഹരൻ, കമ്മിറ്റി അംഗങ്ങൾ തുടങ്ങിയവർ ചടങ്ങിൽ സന്നിഹിതരായിരുന്നു.
മേഖല മലയാളോത്സവത്തിൽ ഒന്നും രണ്ടും സ്ഥാനങ്ങൾ നേടിയവർക്കാണ് സമാപന സമ്മേളനത്തിൽ പുരസ്കാരം വിതരണം ചെയ്തത്. സോളോയും ഗ്രൂപ്പുമായ മത്സരങ്ങളിലായി 96 പേർ ഒന്നാം സ്ഥാനവും 59 പേർ രണ്ടാം സ്ഥാനവും നേടി. ആകെ 155 വിജയികൾക്ക് പുരസ്കാരം നൽകി.
മേഖല ട്രഷറർ പി. എം. ബാബു നന്ദി രേഖപ്പെടുത്തി.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
