മുംബൈയിൽ വിദ്യാഭ്യാസ രംഗത്ത് അഞ്ചു പതിറ്റാണ്ടുകളുടെ സമ്പന്നമായ സേവന പാരമ്പര്യമുള്ള ഡോ. ഉമ്മൻ ഡേവിഡ്, കഴിഞ്ഞ വർഷം വിവിധ മേഖലകളിൽ തന്റെ ശക്തമായ സാന്നിധ്യവും ദൂരദർശിയായ നേതൃത്വവും കൊണ്ട് ശ്രദ്ധ നേടിയിരുന്നു. ‘KG to PG’ എന്ന അദ്ദേഹത്തിന്റെ ദീർഘകാല സ്വപ്നം സാക്ഷാത്കരിച്ച വർഷം കൂടിയാണ് പിന്നിട്ടത്.
167 രാജ്യങ്ങളിൽ സജീവമായ ആഗോള മലയാളി സംഘടനയായ വേൾഡ് മലയാളി ഫെഡറേഷന്റെ മഹാരാഷ്ട്ര ഘടകത്തിന്റെ രൂപീകരണവും വളർച്ചയും സാധ്യമാക്കുന്നതിൽ ഡോ. ഡേവിഡിന്റെ സംഘടനാ മികവും നേതൃത്വ കഴിവും നിർണായകമായി. മുൻ ആഭ്യന്തര മന്ത്രി രമേശ് ചെന്നിത്തല ഉൾപ്പെടെ ആഗോള നേതാക്കളുടെ സാന്നിധ്യത്തിൽ നടന്ന ഉദ്ഘാടനം ശ്രദ്ധേയമായിരുന്നു. തുടർന്ന് ചലച്ചിത്ര താരങ്ങളായ റിമ കല്ലിങ്കൽ, വീണ നായർ എന്നിവർ പങ്കെടുത്ത ഓണാഘോഷ പരിപാടികൾ സംഘടനയുടെ മഹാരാഷ്ട്ര സാന്നിധ്യം ശക്തമായി രേഖപ്പെടുത്തി.
വ്യത്യസ്ത മേഖലകളിൽ വ്യക്തിമുദ്ര പതിപ്പിച്ച മലയാളികളെ പങ്കെടുപ്പിച്ച് “Leadership and Social Commitments” എന്ന വിഷയത്തിൽ സംഘടിപ്പിച്ച സംവാദ വേദിയിലാണ് ഡോ. ഉമ്മൻ ഡേവിഡിന് ‘ന്യൂസ്മേക്കർ ഓഫ് ദി ഇയർ’ അവാർഡ് സമ്മാനിച്ചത്. സെലിബ്രിറ്റി ഗസ്റ്റായി പങ്കെടുത്ത സിനിമാ–ടെലിവിഷൻ താരം അനീഷ് രവിയിൽ നിന്നാണ് അദ്ദേഹം പുരസ്കാരം ഏറ്റുവാങ്ങിയത്.
ഡോ. റോയ് ജോൺ മാത്യു, ഡൊമിനിക് പോൾ, വർഗ്ഗീസ് ഡാനിയൽ, വർഗ്ഗീസ് ഫിലിപ്പ്, റെന്നി ഫിലിപ്പോസ് എന്നിവരടക്കമുള്ള വേൾഡ് മലയാളി ഫെഡറേഷൻ മഹാരാഷ്ട്ര സ്റ്റേറ്റ് കൗൺസിൽ കോർ കമ്മിറ്റി അംഗങ്ങളും ചടങ്ങിൽ സന്നിഹിതരായിരുന്നു.
തുടർന്ന്, WMF വനിതാദിനാഘോഷത്തിന്റെ ഭാഗമായി സംഘടനയിലെ വനിതാ പ്രതിനിധികളെ ഭാരവാഹികളും അനീഷ് രവിയും ചേർന്ന് ആദരിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | APRIL 11 2026 SATURDAY 4.30 P.M. | KAIRALI NEWS
