കല്യാൺ കേന്ദ്രീകരിച്ച് പ്രവർത്തിക്കുന്ന സംഗീത നിശ എന്ന വാട്സ്ആപ്പ് കൂട്ടായ്മയുടെ ആറാം കുടുംബ സംഗമം 2026 മെയ് 10-ന് ആലപ്പുഴയിൽ ഹൗസ് ബോട്ടിൽ നടന്നു. രാജ്യത്തിനകത്തും വിദേശത്തുമുള്ള അംഗങ്ങളും അവരുടെ കുടുംബാംഗങ്ങളും ഉൾപ്പെടെ ഏകദേശം 125 പേർ പങ്കെടുത്ത പരിപാടി ശ്രദ്ധേയമായി.
മെയ് 9-ന് ആലപ്പുഴയിൽ എത്തിയ അംഗങ്ങളും കുടുംബാംഗങ്ങളും പങ്കെടുത്ത സംഗീത സായാഹ്നം സംഗമത്തിന്റെ പ്രധാന ആകർഷണമായി. കലാപരിപാടികളും സൗഹൃദ കൂട്ടായ്മകളും ഒത്തുചേരലിന് കൂടുതൽ നിറം പകർന്നു.
മെയ് 10-ന് ഹൗസ് ബോട്ടിൽ നടന്ന ഔപചാരിക ചടങ്ങ് ഡോ. സജിത്ത് ഏവൂരേത്ത് ഉദ്ഘാടനം ചെയ്തു. അഡ്മിൻ പ്രശാന്ത് അരിയമ്പാടൻ, വിനോദ് കുമാർ ടി.വി, വാസുദേവൻ മാനഴി, പ്രസാദ് ആചാരി, കവിത കെ.പി, സുമ സുരേന്ദ്രൻ എന്നിവർ ചേർന്ന് ഭദ്രദീപം തെളിയിച്ചു.
തുടർന്ന് നടന്ന “പാട്ടുവഴിയോരം” പരിപാടിക്കുശേഷം വേണുഗോപാൽ ഡി, നിർമ്മല കെ, വിജയൻ എം. നായർ, പ്രശാന്ത് അരിയമ്പാടൻ എന്നിവർ ചേർന്ന് ഡോ. സജിത്ത് ഏവൂരത്തിനെ ആദരിച്ചു.
ചടങ്ങിൽ സംഗീത നിശ അംഗങ്ങളായ ശ്രീദേവി മുരളീധരൻ, കാഞ്ചന വിശ്വനാഥൻ, അരവിന്ദൻ കെ, പ്രീതി ചന്ദ്രൻ, പ്രേമൻ നമ്പ്യാർ എന്നിവരെയും ആദരിച്ചു.
അംഗങ്ങളുടെ ഗാനാവതരണങ്ങൾ, സ്കിറ്റുകൾ, ജന്മദിനാഘോഷം, വിവിധ ഗെയിമുകൾ എന്നിവ ഉൾപ്പെടുത്തി സംഘടിപ്പിച്ച കുടുംബ സംഗമം വേമ്പനാട്ടുകായലിലെ ഹൗസ് ബോട്ടിൽ നടന്നത് അംഗങ്ങൾക്ക് വേറിട്ട അനുഭവമായി.
ശ്രീകുമാർ മാവേലിക്കര, പ്രകാശൻ എം.വി, പ്രീതി ചന്ദ്രൻ, നിർമ്മല കെ എന്നിവർ പരിപാടിയുടെ അവതാരകരായിരുന്നു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | SATURDAY 4.30 P.M. | KAIRALI NEWS
