മുംബൈ: ശ്രീനാരായണ ധർമ്മ പരിപാലന യോഗത്തിന് മുംബൈയിലും സമീപ പ്രദേശങ്ങളിലും അടിത്തറപാകാൻ നേതൃത്വം നൽകിയവരിൽ ഒരാളും യൂണിയൻ സ്ഥാപക പ്രസിഡന്റുമായ വെളിയനാട് കോണിച്ചിറയിൽ പത്മനാഭൻ മകൻ കെ..പി.വിശ്വംഭരൻ നിര്യാതനായി. 66 വയസ്സായിരുന്നു. തിരുവനത്തപുരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയായിരുന്നു അന്ത്യം.
കേരളത്തിന് പുറത്ത് ശ്രീനാരായണ ധർമ്മ പരിപാലന യോഗത്തിന് ശാഖകൾ ഉണ്ടാക്കുകയും,യൂണിയൻ സ്ഥാപിക്കുകയും ചെയ്തു. ആദ്യമായി ഡോംബിവലിയിൽ ആരംഭിച്ച ശാഖയുടെ പ്രസിഡന്റ് ആയിരുന്നു.
സുധ വിശ്വംഭരൻ ഭാര്യയും അഞ്ജു വിശ്വം ഏക മകളുമാണ്.
എസ്.എൻ.ഡി.പി.യോഗം മുംബൈ താനെ യൂണിയൻ,വനിതാ സംഘം യൂണിയൻ, വൈദിക സമിതി,ശാഖായോഗങ്ങൾ തുടങ്ങിയ കൂട്ടായ്മകൾ അനുശോചനം രേഖപ്പെടുത്തി.
മരണാന്തര ചടങ്ങുകൾ മാവേലിക്കര അറുനൂറ്റിമംഗലത്തുള്ള വസതിയിൽ നടക്കും.
